Tun ai zing hian ILP endik hna hi thawh theih nise

Tunhnaiah Central YMA chuan Aizawl khawpui chhungah dân lova hnamdang sumdawngte dap chhuah beihpui an thlak a, amaherawhchu Central YMA hian hetianga hnamdangte Trade License leh ILP te dap sak theihna hi an nei loh avangin Aizawl DC chuan khapna thupek a chhuah a, amaherawhchu, Aizawl Police lamin tunhnaiah ILP nei lo leh hmang diklo te dap chhuah beihpui an thlak zui a, tun thla chhung, ni 10 chhung lekin dân bawhchhia an man chhuah Court-a thiam loh chang tawh 102 lai an awm tawh a, hei hi Central YMA bul \an leh an hmalakna rah chhuah niin a ngaih theih a, thil lawmawm tak a ni.

Aizawl khawpui chhungah hetiang anga tam dân bawhchhia an lo inphum hian ngaihtuahna a tithui hle a, Mizoram pumah hian ILP dan bawhchhia hnamdang engzat nge awm ang tih hi ngaihtuah tham tak a ni.

Serchhip-ah pawh a khât tawkin Police-ten ILP hi an endik zeuh zeuh \hin a, man chhuah pawh an awm ve zeuh zeuh bawk a, amaherawhchu duhsamin hemi kawngah hian hma an la ngun lutuk lo niin a lang a, tun aia zing deuh hian hemi kawngah hian hma la thei se a duhawm hle. A thawktu tur lamin hma an la chaklo a nih chuan Mizo hnam leh Mizoram tana hmalatu tlawmngai pawl te hian thawktute kan nawr deuh te pawh a \ul \hin niin a lang.