Kumthar leh thutiam

Kum alo thar leh ta a, kum dang ang bawkin mi tam tak chuan KUMTHAR THUTIAM an nei leh ngeiin a rinawm a, Mihring chu hmasawn zel tur kan nih avangin hma kan sawnna tur chuan tih tur hmachhawp eng engemaw duan lawk a ngai a, Kumthar Thutiam neih pawh hi hma kan sawnna kawng atan thil pawimawh tak a ni thei a ni.

Amaherawhchu Thu tiam hi thil awlsam ang reng tak ni mahse kan thutiam te tihlawhtling tur erawh chuan bawhzui ngai ve tho si a, tihhlawhtlin huphurh sa rân chunga thutiam neih te hi thutiam tihhlawhtlin lohna a nih bakah thutiama rinawm lohna a nih bakah keimahni leh keimahni kan intihniamna a ni thei a, chuvangin thutiam kan nei tawh a nih chuan tihhlawhtlin ngei tuma kan thutiam te kan bawhzui a ṭul tih i hre thar ang u.

Mimal a ni emaw, pawl a ni emaw, Politics thilah a ni emaw Kumthar lai leh kumthar lai lo pawhin thutiam kan nei tawh a nih chuan kan thutiam chu kan tihhlawhtlin theih ngei tura kan ngaih kan tiam tur a ni. Keimahni ngei pawhin kan tihhlawhtlin theih tura kan ngaih mang loh thutiam neih thlakzen ringawt hian nakinah keimahni ngei min la vaw lêt leh thei tih hria a, fimkhur taka thutiam kan neih hi a ṭul a ni.