Harsatna chinfel thuai nise

Tunah hian Mizoram Deficit Mission School Association chuan sawrkara thil phut an neih avangin tiamchin awm lova nawrh an huaihawt mek a, hei vang hian zirlai tam tak te zirna a khaihlak phah a, hei hi chinfel ran a nih loh chuan zirlai tam takin an la tuar chhunzawm zel dawn niin a lang chuvangin a chingfel theitu sawrkar hian a tihtur a tih thuai a ngai niin a lang.

Sawrkar-in Deficit Status alo pek tawh avangin Deficit School zirtirtute tan pawh an chanvo tur sawrkarin a siamsak tawh tihna a ni a, chuvangin zirtirtute hian an chanvo tur an phut niin a lang a, Deficit School zirtirtu ni lo se an chanvo phût tur an nei lovang. Chuvangin sawrkar hian an thil phut te tihhlawhtlinsak thei tura a inhre lo a nih chuan Deficit Status a pek hi hlihsak mai se, tichuan chanvo phût tur an nei lovang a, a fel a ni mai dawn a, chutianga a ti lo a nih si chuan an thil phut tihhlawhtlinsak dan emaw, an rilru thawidam tur zawnga hmalakna engemaw a neih ve chu a ngai niin a lang.