Thlai thar sawngbawlna tur khawl tam zawk din a ṭul

Tun hnaiah Mizorama sawhthing thar chhuah te hralh dan tur chu Chief Minister hovin ngaihtuah a ni a, hetianga kuthnathawktuten an thlai thar aṭanga hlâwkna an hmuh ṭhat theihna tur atana hmalakna awm hi thil lawmawm tak a ni.

Sawhthing hi Mizoram thlai thar chhuah lian ber leh langsâr ber niin, Mizoram thlai thar zinga ram pawna thawn chhuah tam ber a ni a, Mizoram kuthnathawktuten sum an lakluh nasat berna thlai a ni bawk a, Central Politics-a purunsen-in thûk taka hmun a chang ang hian Mizoram Politics-ah pawh thûk takin Sawhthing hian hmun a chang a ni.

Hetiang khawpa Mizoram thlai thar chhuah zinga lian ber leh tam ber a ni chung hian sawhthing chingtu te hian sawhthing chin fuh kum leh chin fuh loh kum an nei fo a, hei hi thil buaithlak tak niin a lang.

Hei bakah hian Mizoram kuthnathawktute thlai buaipui ber leh chin nasat ṭhin ber a ni chung hian a sawngbawlna khawl lian tham Mizorama a la awm lo pawh hi ngaihtuah ngai tak niin a lang.

Sawhthing mai bakah kan thlai thar chhuah tam deuh te man man leh hlawk zawka ram pawna kan hralh theihna tur atan a sawngbawlna khawl din lam hi thil ṭul tak niin a lang.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *