Sawrkar hmalakna te hi mipuite hian hre tam ila

Kar kalta khan Khawlailung khuaah sawrkar hmalakna te inhrilh hriatna hun (Public Information Campaign) neih a ni a, hetah hian sawrkar Department hrang hrang hotuten an Department hnuaia sawrkar hmalakna hrang hrang te mipui te hnenah zirtirin, sawrkar hmalakna hrang hrang hnuaia mipuiten hamṭhatna an hmuh theih engemawzat te hrilh hriat an ni a.
Sawrkar hmalakna hrang hrangte hi a mipuite tana ṭhatna tur ngaihtuaha duan vek a ni ṭhin a, mipuite hian sawrkar hmalakna te kan hriat chian tawk loh vang hian sawrkar aṭanga hamṭhatna kan hmuh theih te hi kan hre tawklo fo niin a lang a, hei hi thingtlang mipuiten hma kan sawn chak loh leh kan changkan chak loh chhan tam tak zinga pakhat niin a lang.

Chuvangin, mipuite hian sawrkar hmalakna te hi tam zawk hriat tumin ngaihven ila, kan hmasawnna tur atana sawrkar aṭanga hamṭhatna kan hmuh theih tam tak, kan hriat loh vanga thamral ṭhin engemawzat te hi a lo thlawna thâmraltir tum tawhlo tura hma kan lâk hi a ṭul niin a lang a, tin sawrkar hotu lam te pawh hian kan hmalakna te pawh hi tun aia nasa zawk hian mipuite hnenah chiang zawk leh kimchang zawkin puangzar ṭhin ila a duhawm hle a ni.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.