Jeje leh Chhetri te Rangers-a trial nei turin Glasgow thleng ta

Submitted by editor on Mon, 28/11/2011 - 11:06am

India rama football players kan neih ṭhat ber pahnih striker Jeje Lalpekhlua leh Sunil Chhetri te chuan Zirtawpni khan Scottish champions Rangers-a trial nei turin Glasgow an thleng a, Inrinni khan Rangers training ground-a first team squad an zawm ve nghal a, training an nei zui nghal a ni. A hnuaia thlalak pawh hi Jeje leh Sunil Chhetri-te Rangers-a an training lai, Rangers Official Website aṭanga lak a ni.

Nimin khan Rangers hian Kilmarnock an hmachhawn a, inkhel hi a hmunah an en nghe nghe a, Thawhlehnia Hamburg an hmachhawn hunah an khelhtir dawn niin tarlan a ni.

Rangers boss Ally McCoist chuan an hnena trial tur pahnihte lo lawmin an training ground, Ibrox leh Murray Park-ah hmun an khuartir nghal ang a, karleh lamah an kiangah an chettlat tir tak tak dawn thu a sawi.

Jeje leh Sunil ten Glasgow airport thlenga Rangers-a trial an neih dawn thu hi BBC-ah pawh tarlan a ni nghe nghe a, India rama chanchinbu hrang hrangah an lang hnem hle a ni. Hamburg an hmachhawn hunah hian Portuguese club Lisbon leh Benfica scout te chuan Jeje te inkhel an thlir dawn a, Rangers bakah lo thlithlaitu tur european club lian pahnih an awm dawn a nih chu!

Jeje & Chhetri @ Rangers

Cateory:

Comments

Davidralte

Mon, 28/11/2011 - 1:25pm

Jeje duhsakna ka hlan a che, Europe club khawi maw berah,han khel ve la ka lo tan chhun zawm zel ang che, mi taima leh insum thei i nihna kha vawng nung reng la, ropui takin in khel zel rawh, dam reng ang che.