Thlawhna tlaah nu leh a fa nausen damkhaw chhuak

Nu leh a fapa nausen chu Columbia hmarthlang lam ram ngaw chhah taka thlawhna chetsualna aṭanga ni eng-emawzat an bo hnu-ah Nilaini khan dam taka hmuh an ni.
Kum 18 mi, Nelly Murilla leh a fapa kum khat pawh la tlinglo, Yudier Morena te chu Inrinni khan ramngaw chhah taka Cessna 303 chetsualnaah an tel a, Colonel Hector Carrascal, commander of the Colombian Air Force chuan, “Thil mak danglam tak (miracle) a ni. Helai hi hmun hlauhawm tak a ni a, an damkhaw chhuah theihna tur hian a nu thinlung hian chakna a pe a ni,” tiin a sawi a, “A nu hian hliam leh kâng nasa lo tak a tuar a, a fapa hi chu a na lo a ni,” tiin a sawi a, chhanchhuaktu te chuan he thlawhna pilot, Captain Carlos Mario Ceballos hi thlawhna chhungah thiin an hmu a ni.

He thlawhna hian sangha leh coconut phurin Nuqui aṭangin Quibdo lam a pan a, minute 20 hnu-ah thlawhna hi radar aṭangin hmuh theih lohin a awm a, an biak pawhna pawh Pilot-in a chhan tak loh avangin an zawng a, thlawhna hi an hmu a, Passenger list-a lang, Murilla te hi an hmuh tak loh avangin an zawng zui ta a, an hmuhna hi thlawhna tlakna atanga km chanve vela hlaah a ni.

About Editor

Editor, Zothlifim Daily Newspaper, Serchhip - 796181, Mizoram.

Leave a Reply

Your email address will not be published. Required fields are marked *