State Minimum Wages mila NREGS hlawh siam turin ngên

Niminpiah khan Supreme Court chuan, ni 100 in hlawhna tia kan hriat, National Rural Employment Guarantee Scheme (NREGS) hnuaia inhlawhna rate chu state tina hlawh pek hniam theih ber (minimum wage) mila siam sak ṭheuh turin sawrkar laipui a ngen.

Nikum September ni 23 khan, “National Rural Employment Guarantee Act hnuaiah ni khat inhlawhna chu state sawrkar-in nitin inhlawhna labor rate a tuk zat aia hniam a ni lo tur a ni” tiin Karnataka High Court chuan thuchhuah a siam a, chu thuchhuah chu Supreme Court-in ngaihtuah turin sawrkar laipuiin ngenna a siam avangin Supreme Court chuan, NREGS hnuaia nitin inhlawhna rate chu state ṭheuhva nitin inhlawhna state sawrkarin a siam aia hniam lo, a nih theih nan sawrkar laipui chuan bawhzui turin Supreme Court chuan a ti ta a ni.

Sawrkar laipui hnuaia hna siam, central job scheme-ah ni tin `118/- leh `181/- inkar a ni a, chu chu state 6-ah nitin inhlawhna rate aiin a hniam a, state dang 14 ah erawh minimum wage aiin a sâng thung a ni.