Sub-Hqrs. YMA-in an thutlukna kaltlangpui zel an la tum

Serchhip Football Stadium

Sub-Hqrs YMA, Serchhip ten Serchhip Sport Complex-a Artificial Grass phah tura hna thawh mek, a nihna tur ang lova thawh nia hriaa UD&PA Minister Pu Zodintluanga‘n a rawn enfiah ve hma chu thawh chhunzawm loh nise an tih chu kal tlangpui zel an tum.

Sub Hqrs YMA President Pu R.Sanghmingthanga sawi danin nimin khan he hna thawktu Agni Shanti Ltd Project Manager Paritosh Goel Serchhipah lo kalin, Sub Hqrs YMA hruaitute nen an inkawm a, Project Manager chuan grass hnuaia tui luanna tur siam loh an complaint chu Champhaiah pawh an siam lo nia a sawi avangin Champhaia he hnathawh hrechiangtute phone-a biak nghal niin, anni chuan a hnuaia tui paihna chu siam ngei a nih thuin an lo chhang a. A hnuai inthuah thip 3 tur pawh a mumal lo nia YMA te sawi pawh thil siamṭhat har a nih loh avangin YMA te chu tha hna thawh chhun zawm remti turin a ngen a. YMA hruaitute chuan he hna hi duhdah taka hlâwk taka thawh tumna awm a an hriat avangin an phut ang ngeia UD&PA Minister en phawt an la phut kal zel a, Sub-Hqrs YMA President chuan hnathawh ṭha lo do tura ṭanrual a ṭul thu sawiin, nakin zela hman zui tlak lohva hna thawh a nih a hlauhthawn thu a sawi bawk.

About Editor

Editor, Zothlifim Daily Newspaper, Serchhip - 796181, Mizoram.

Leave a Reply

Your email address will not be published. Required fields are marked *