Serchhip Thalaite intihhlimna WINTERFEST hman a ni

Serchhip a Internet Facebook hmang thin SERCHHIP FACEBOOK USER GROUP(SFUG) te buatsaihin ni 29.12.2011 tlai dar 3:00 ah P&E Rest House Bukpuiah WINTERFEST buatsaih a ni a, he hunah hian Serchhip a thalai rual mi 100 bawr vel an pungkhawm.

He hunah hian Serchhip a zaithiam mi hrang hrang te an zai bakah fiamthu thiam te an che bawk a. Tin Bike Show leh racing neih a ni bawk. He hun hmannaah hian thalai te hian kawng hrang hrangin intihhlimna hun an hmang a, tlaiah chawhlui kilho nghal a ni a. Zan lamah hian lam(Dance) hona hun hman a ni bawk. He hun hmanna atan hian NBCC, SAMSUNG, KHAMPAT HOSTING leh Pu Lalhriatrenga Chhangte te chuan sum leh paiin an tanpui a ni.

Winterfest hun hmanna a kal zawng zawng te hnen atang hian Gate entry Rs 100/- lak a ni a, he Gate entry hi mi harsa te tanpuina tur atan SFUG te chuan Bank Account ah an dah tha nghal a ni.

Serchhip Facebook User Group te hi kum 2010 atang a indin tanin Facebook hmang thin thalai rual intelkhawm te an ni a, tunah hian member 599 zet an awm tawh a ni. SFUG te hian kum 2010 chhung khan mi harsa te tanpuina tur atan Donation khawnin Rs 5000/- bawr vel hmuh a ni a, he an pawisa hmuh hi mi harsate tanpui nan semchhuah a ni a, Damdawi ina damlo te bakah natna benvawn tuar veng hrang hrang ami te hnenah tanpuina hi hlan a lo ni tawh a ni. Tin kum 2010 chhunga Serchhip khawchhunga boral chhungte hnenah Krismas Card an pe chhuak vek bawk.

Kum 2011 chhung pawh hian Donation hi khawn leh a ni a, Rs 8000/- vel Donation hi hmuh tawh a ni a, hei bakah hian kawng danga mithahnemngai te pek neuh neuh nen chuan Rs 17000/- vel zet Donation hi a lut tawh a ni. Heng Donation pekkhawm te hi mi harsa te tanpuina atan hman a ni dawn a ni. SFUG te hian SBI Serchhip Branch ah account neiin an account no chu 32025762645 a ni a, hetah hian midang tanpuina pawisa pe duh tan a pek reng theih bawk a ni.

SERCHHIP FACEBOOK USER GROUP
SFUG
Serchhip a Thalai Facebook hmang thin facebook a Serchhip Group a in register zawng zawng te chu SFUG member an ni.

SFUG din chhan:
SFUG din chhan ber chu thalai ten internet tangkai zawka kan hman theih nana he pawl hi din a ni.

SFUG thiltum:
Midang te harsatna tanpui leh kawng hrang hranga mite tanpui tura thalaite chawhphur leh chanvo siamsak hi SFUG tum ber chu a ni.

SFUG thupui innghahna:
Together we can make a change