Serchhip-ah National Science Day hmang

Serchhip-national-science-day

Nimin chawhnu dar 1 khan Government Serchhip College-ah National Science Day lawmna hun hman a ni.
He hun hi Smart Class Room-ah hman niin, Pu NB Sachhei, Associate Professor, HOD, Department of Zoology chuan kaihruaiin, Pu Lalhma-ngaiha Sailo, Principal, Govt. Serchhip College chuan inlawm-na thu a sawi a, National Science Day hi ni 28 February a hman ṭhin a ni a, kuminah erawh chuan Pathianni a nih avangin nimin khan hman a nih thu sawiin, India Scientist ropui, Sir CV Raman chanchin tlangpui a sawi bawk a ni.

Resource Person Pu Lal-dingluaia Khiangte, Asst. Professor, Dept. of Chemistry chuan thusawiin, National Science Day hi India Scientist ropui Sir CV Raman-a’n Raman Effect a hmuhchhuah ni a ni a, he ni hi kum 1986 aṭang khan kumtin lawm ṭhin niin, kum 2009 aṭang khan thupui neia lawm ṭhin a nih thu a sawi a. He ni ah hian India rama Science hmasawnna leh Science leh Technology nihphung mipuite hnena inhriat-tirna atan hman ṭhin a nih thu a sawi. Kuminah hian India Prime Minister-in a ngaihpawimawh em em “Make in India: Science & Technology driven Innovation” tih chu thupui atan hman niin, Science leh Technology thiamna hmang thil thar a tam thei ang ber siam chhuak tura inzirtirna atan hman a ni a ti a, Resource Person hian Power point hmangin kalkhawmte chu zirtirna a pe a ni.

Govt Serchhip College-ah hian Science zirna hi Department 5 awmin, thawktu mi 19 an awm a, zirlai naupang mi 80 an awm mek a, National Science Day hmanna ah hian zirlai naupang an kal tha hle a. Dr. C.Vanlalnghaka, Associate Professor chu he ni atan hian coordinator niin, ani hian lawmthu sawiin he hun hman hi khar a ni.

About Editor

Editor, Zothlifim Daily Newspaper, Serchhip - 796181, Mizoram.

Leave a Reply

Your email address will not be published. Required fields are marked *