Serchhip

Nizan dar 7:30 khan Serchhip District Drugist leh Chemist Association hruaitu thlanna Pu Lalrammuana In, Ramthlun vengah neih a ni a, kum 2012-13 chhung atana hruaitu thar an thlan chhuah te chu :

President : Pu V.Laldinliana
Vice-President : Pu V.Vanlalchhuanga
Secretary : Pu H.Lalramhlunna
Asst. Secretary : Nl. ZD Laldinpuii
Treasurer : Pi C.Chawnghrangpuii
Fin. Secretary : Pi Lalhmingmawii

Heng hruaitu thar thlan chhuah te hian May 11-ah Charge an la ang.

Mizoram sawrkarin kum 2011 “Buh thar tam kum” atana a puan bawhzui ṭha ber “Best Performing District” Award Serchhip District a hlan chu Thawhlehni khan FISC Hall, Agriculture Complex, Serchhip-ah Serchhip District Agriculture Office huaihawtin lawm a ni.

He hun hi District Bawrhsap Pu P.Lalchhuanga’n khuallian niin a hmanpui a, a lawm nan hian Bawng talhin ruai ṭheh a ni.

Nimin zingkar khan Sub-Hqrs. YMA Serchhip hruaitu mi ṭhahnem tak chuan Chhiahtlang a District Jail, kum 14 chhung zet an lo sak tawh, tun thlenga hawn a la ni lo chu a dinhmun dik tak hrechiang turin a hmun ngeiah an kal chilh a, sawrkar in sum tam tak a lo senral tawhna hnuhma, tun dinhmuna luah a nih lawk loh vanga rawih ṭan mek chu lainatawm an tih rualin a rawih ral mai lohnan luah thuai ni thei se an duh thu an sawi nawn leh.

Inrinni zan khan Serchhip Damdawi in-ah kan Editor, C.Lalrochhuanga te chuan fanu duhawm tak an nei a, nimin-a Damdawi in aṭanga an chhuak tur chu Main Gate chahbi an hmuh zawh loh avangin Main Gate aṭanga chhuah theih a ni lova. Hetih hun hi chawhnu dar 1 rik hma hret niin, Gate Duty hi zu rim a nam a, kan editor te nen hian rei vaklo an inhnial buai a ni.

Inrinni-a Sub-Hqrs. YMA, Serchhip Executive Committee ṭhukhawm chuan Chhiahtlang-a District Jail tura sak, kum 10 chuang zet a liam hnu pawha hawn a la ni lo chu an ngaimawh thu an sawi.

SEC ṭhukhawm chuan Serchhip-in District Jail kan la neih loh avanga mipui leh Dan leh Thupek kengkawhtu ten harsatna an neih ṭhin thu te tarlan a ni a, hawn thuai a nih theih nan hmalak nise an ti a, 1st May 2012 zingkar khian a hmun ngeiah kalchilhin a dinhmun zirchian ni phawt se, chumi hnu-ah a ṭul anga sawrkar thuneitute dawr turin Aizawl ah lamkal intirh nise an ti.

Serchhip March 22, 2012: Serchhip Sub-Hqrs. YMA Conference, Lungpho-a neih mekah nimin khan rorel leh hruaitu thar thlan a ni a, nimina an rorelnaah hnamdang Mizo hming hawha Sumdawngte tun aia chak zawka dapchhuah leh bawhzui ni rawh se, an ti.

Serchhip District chhunga a thlâwna School Uniform semna tur atana Fund dawn- cheng nuai 31.652, MHRD guideline zulzuia hman dan tur ruahmanna SSA Mission, Serchhip District Project Office-in a siam chu District Education Committee, Serchhip District-in a pawm.

SSA Mission, Serchhip District-a thuneitu sang ber District Education Committee, Serchhip District chu kum kal mek 2011-2012 atana a vawi thumna turin nimin chawhma dar 11 aṭanga tlai dar 3 thleng khan DC’s Meeting Room, Serchhip-ah an ṭhukhawm a.

North Vanlaiphai-a hmeichhe naupang kum 8 mi, pawngsuala thattu nia rinhlelh B.Lalrinmawia chu man nawn leh a ni.

Nimin khan Bungtlang Primary School-ah Mizoram State Cancer Control Society leh Mizoram State Cancer Institute ten Cancer Awareness Cum Free Clinic an buatsaih.

District Sericulture Officer, Pu C.Lalrinawma hnen aṭanga kan thu dawn danin, tunkar chhung ngei hian Serchhip District chhunga Sericulture Department hnuaia NLUP ṭanpuina dawngtute hnenah NLUP 3rd Instalment sem leh a ni dawn.

He 3rd Instalment sem turah hian Thingtheihmu huan thlawhna – `8448/-, Pangang vulhna in (Rearing House) sakna – `28,000/- leh a chung tur Rangva (GCI Sheet) – 4 bundles ṭheuh a keng tel dawn a ni.