Ration Card siam thar kalpui danah thil diklo awm ti

ztf-news

PRISM chuan Food Security Act a taka hmanna atana Ration Card siam thar kalpui danah diklo taka thiltih a awm nia sawiin bawhzui zel an tum.
Eiruk dotu pawl tia hriat PRISM hian Inrinni khan thuchhuah siamin Ration Card thar hi `10/-a lakchhuah tur a nih laiin a man lêt thawk `20/- te, `18/- leh `15/- te-a mipuite leitir nia sawiin an dem thu an tarlang a. He thil hi eirukna mai nilovin a lang pauva mipui pawisa chhuhsaknaah an ngaih thu an sawi a. Dân pawisa loa khawtlang hruaitu ṭhenkhat thiltih chu ram leh mipuite pawisawina lian tak a nih avangin an aiawhsak mipuite hmakhaw ngai a dan dik taka kalpui turin Local Council leh Village Council hruaitute an ngen thu an thuchhuah chuan a tarlang.

Ration card tharah hian chhungkaw member ziahluh kimloh a tam hle niin PRISM thuchhuah chuan a sawi a. Chhungkaw pianni leh thla inang vek leh pian kum ziah dikloh te, hming ziak dikloh te a tam em em a ni an ti a. Chhungkaw hotu bera hmei-chhe hming dah si, mipa thlalak dah daih te, chhungkaw member ni miahlo thlalak belsak te a awm nasa hle bawk niin an sawi a. Heng diklo nasa tak awm siam-ṭhat a nih theihna’n hian hma an la dawn tih sawiin, diklo taka thil titu te chu sawrkarin man chhuakin hremna pe ngei se, mipui te Ration Card an lo siam dikloh pawh tidik leh vekin, man chawi tawh lova mipuite a thar dik leh felfai taka a pek ngei an duh tih an thuchhuah chuan a tarlang bawk.

Hetihlai hian Food, Civil Supplies and Consumer Affairs Minister Pu John Rotluangliana chuan Inrinnia a bial chhunga Nalzawl khua a tlawhnaah Ration Card athil diklo awm te chu tih dik leh vek tur a nih thu a sawi nawn a ni.

About Editor

Editor, Zothlifim Daily Newspaper, Serchhip - 796181, Mizoram.

Leave a Reply

Your email address will not be published. Required fields are marked *