Politics chu Pathian rawngbawlna tur:CM

politics

Chief Minister leh MPCC President ni bawk, Pu Lal Thanhawla chuan politics chu Pathian rawngbawlna tur, eizawnna leh mahni inhaivur na tur ni lova ram rawngbawlna tak tak anih avangin politician ten rilru thianghlim an put a ngai a ni a ti.

Nimina Pangzawl khua a tlawhnaah an party mi te hmaah he thu hi sawiin, Chief Minister chuan Mizote mamawh ber chu Isua Krista bakah rilru leh ngaihtuahna put hmang siamṭhat Moral reformation a ni a ti a, Pathian zahlo ram rawngbawltu nih a hlauhawm tih a sawi bawk.

He inkhawmah hian Dampa bialtu, Minister of State Pu PC Lal Thanliana pawh a tel a, Congress party intawhkhawmna hi Pangzawl Ramrikawn Hallah neih a ni.

Chief Minister hi nizan khan Serchhipah a riak a, vawiin hian Serchhip damdawiina Eye Ward a hawn bakah an party zawm thar lawmluhna hun a hmanpui dawn bawk a ni.

Comments ( 2 )

  1. HRIATA CHHANGTE

    Kan CM-in Pangzawla a sawi…Pathian zahlo ram rawngbawltu nih a hlauhawm .. hi ropui ka va ti em . Amah ber hi chuan a lo zah thin ni ngei turah ngaihsak ngam hmaks thung ila. Pastor ho sawi tur awm tak tak kan politician hovin an sawi mek a, politician ho sawi tur awm tak tak Kohhran puipa ten an sawi mek bawk.. Kan ram ve hi zawng line line a awm hran lova, a phur phur intih exper-na ram a la ni miau..nuam phian ei…

  2. mawia

    Politics aia Pathian rawngbawlna tur hi a va tam em!!!

Leave a Reply

Your email address will not be published. Required fields are marked *