NLUP hnuaia Auto Rickshaw thlangtute hnenah sem chhuak

NLUP hnuaia Auto Rickshaw hmanga sumdawn thlangtu mi 38 te hman tur Auto Rickshaw chu nimin khan Industries Department-in Aizawl Zonuam-ah a sem.

Industries Department chuan a dawngtu tur te hnenah Auto Rickshaw document a hlan a, Mamit District aṭangin mi 15, Saiha aṭangin 3, Champhai aṭangin 5, Kolasib aṭanin 9 leh Serchhip aṭangin mi 6 in an dawng a, nimina semchhuah tak Auto rickshaw hi `1,11,600/- man a ni.

Industries Department sawi danin, karleh khian a dang hnenah pek chhuah leh tum a ni a, hetah hian Lunglei District aṭangin 9, Champhai 7 leh Aizawl aṭangin mi 4 in an dawng ang.

Thudawn danin, Lawngtlai District erawh chu a diltu an tam lutuk avanga thliar fel ngai a tam avangin, tun dinhmunah pekchhuah theih a la ni rih lo a ni.