NCTE Visiting team ten DIET tlawh

National Council For Teacher’s Education (NCTE) hnuaia Visiting Team-ten Serchhip District Institute of Education & Training Institute (DIET) tlawh.
Sawrkar laipui hnuaia National Council for Teacher’s Edu-cation (NCTE) hnuaia Serchhip DIET Recognised a nih theih nana Serchhip DIET enfiahtu tur Central Team te chuan niminpiah tlai khan Serchhip rawn thlengin DIET Complex Serchhip-ah District Bawrhsap Dr. Lalrozama, IAS hova lo dawnsawn an ni a, NCTE Central Team te hi Dr. Balakrishna Praharaj  leh  Dr DK Sethi te niin, Pu Lalrammawia, Principal, DIET Serchhip chuan Serchhip DIET lo indin ṭan dan leh an hmalakna chi hrang hrangte  a lem nena lo entirin Report a pe a, Dr.Lalrozama, IAS leh Serchhip tlawha cham mek Renu Sharma GAD Secretary te pawhin anmahni lo lawmna thu an sawi a, anmahni lo lawm nan hian hnam lam chi hrang hrang lo entir an ni bawk.

Nimin khan DIET Serchhip te dinhmun leh an hnathawh hrang hrangte an zirchiang a, nimin vek khan Aizawlah an let thla leh nghal a ni. NCTE Team te hian a hmain Champhai District-a DIET an lo tlawh tawh a ni.

About Editor

Editor, Zothlifim Daily Newspaper, Serchhip - 796181, Mizoram.

Leave a Reply

Your email address will not be published. Required fields are marked *