Naupang chil hlum

Serchhip News

Thawhṭanni tlai dar 5:30 vel khan Ngentiang khuaah Lalfakzuala (7) S/o Lalthazuala chu Jeep in a chil a, a hmunah a boral nghal.

Naupang chiltu Jeep hi Lalthanzauva khalh a ni a, anmahni ta a ni a. Thawhṭanni tlai lam khan Laltahanzauva hian thil pawimawh tiin an jeep hi a khalh chhuak a, kawng sir dawr bulah kuhva leiin a dinga, tlan leh mai a tum lai chuan Zauva patea chuan an piah lawk atanga rawn auvin “rawn phei leh lawk teh” a tih avangin a patea awmna lamah chuan a back phei ta a. Zauvan dawra kuhva a lei lai vel hian naupang vanduai Lalfakzuala te unau thum chuan dawrah thil an lei ve mek bawk a, Faka hi jeep hnung veilama a ke zawnah chuan a lo uai a, naupang uai hi Zauva hian hre lovin chak vak lovin a patea awmna lamah chuan a back a, engemaw chil a nei tih a hriatin a bula dawr nghak nula chu auvin “Enge ka thil chil kha” ti a a han zawh chuan Lalfakzuala a chil palh a ni tih an hre ta chauh niin thu dawnna chuan a sawi.

Lalfakzuala hi a awm bawrah motor hian a chila a taksa pawn lam landan erawh a him tha viau niin mita hmutu chuan a sawi.

Driver Lalthanzauva leh a naupang chil te hi inchhung khat hnai tak an ni a, vanduai thil leh tihpalh liau liau a nih avangin case-engmah siam lovin an invuiliam ta niin thudawnna chuan a sawi bawk.

Comment ( 1 )

  1. k. Darling

    mizo mipui te pawh hyan mawhphurhna kan nei lian hle in k hria, kan ram kawng hi a te em2 a naupang te hi khaw laiah thla thlam mai lovin ngaihtuah zui hi kan mawhphurh na lian tak ni in ka hria, chu bakah driver te pawh hyan fimkhur takin motor hi i khalh theuh ang u.

Leave a Reply

Your email address will not be published. Required fields are marked *