Nakum aṭanga School Academic Session thlak remtih a ni

Thawhṭanni khan Chief Minister Pu Lal Thanhawla kaihhruaina-in Council of Minister te ṭhukhawmin thu pawimawh tak tak an rel.

Cabinet Meeting-ah hian ziaka thurel tur (agenda) 5 an chhawpchhuak a, Report of Pay Committee, 2011 chu Village Council leh Local Council inthlan puan tawh a nih avangin la ngaihtuah ṭhat atan dah rih a ni a, Travelling Allowances Rules for Judicial Service Officers on Implementation of the Mizoram Revision Pay Rules chu pawm a ni a, School Academic Session thlak chungchang rawtna pawh pawm niin, School Calendar thar atan April - March pawm a ni bawk a, hei hi Academic Session 2013 aṭanga hman ṭan tura remtih a ni.

Proposal for Amendment of the Mizoram State Employment Guarantee Fund Rules, 2009 pawh pawm a ni bawk a. Mizoram Civil Services (Combined Competitive Examination) Regulations, 2011 pawh pawm a ni bawk a, hei hi Official Gazette ah chhuah a nih aṭanga hman ṭan nghal tura remtih a ni bawk.

Heng agenda ziaka chhawpchhuah te bakah hian Mizoram State Finance Commission a hnathawktu tur post 27 siam thar remtih a ni bawk.