MZP Hqrs. Serchhipin lawmthu sawi

MZP Hqrs Serchhip chuan Laldintluanga HSLC Topper chawimawina hun an buatsaih thei leh amah lawmpuina thilpek hlantu zawng zawng chungah lawmthu an sawi.

MZP Hqrs Serchhip thuchhuah chuan Matric/HSLC result chhuaka Topper Laldintluanga s/o C.Laleng-thanga, Serchhip Chhim Veng chawimawina hun an buat-saihah lawmpuina leh chawi-mawina hlantu khawtlang hruaitu, Serchhip Town VC zawng zawng  leh Serchhip mipuite chungah lawmthu an sawi a, zirna ngaisangtu District Bawrhsap, Pi Sangchhin Chinzah leh District Education Officer Pu Lawmawma kan nei chu lawmawm an tih thu sawiin, Sub Hqrs YMA, MHIP Sub Hqrs, MPTA Serchhip Sub Hqrs te, Florist Association Serchhip Branch, Congress leh MNF Party, dawr hrang hrang, TT Vission leh Serchhip Cable Network leh mimal ṭhahnem ngai te chungah lawmthu an sawi a, Laldintluanga pawh a kal zelna turah duhsakna an hlan bawk a ni.

MZP Hqrs Serchhip chuan kumtina alo tih tawh angin zirlai thiṭha HSLC Distinction-a pass te chawimawina hun hman leh an tum thu sawiin, he hun tluang taka a hman theih nan, zirna lama hlawhtlingte chu khaw hmel timawitu leh Serchhip khaw tan a ni tih hriaa chawimawina chang  hre turin turin MZP Hqrs Serchhip chuan Serchhip mipui te a sawm a ni.

About Editor

Editor, Zothlifim Daily Newspaper, Serchhip - 796181, Mizoram.

Leave a Reply

Your email address will not be published. Required fields are marked *