MZP Hqrs. Serchhip huaihawtin HSLC Topper chawimawina nei

MZP Headquarters, Serchhip chuan nimin tlai dar 3 khan Serchhip Bazarah HSLC Examination 2017-a Mizoram puma pakhatna, C.Laldintluanga chawimawina hun an hmang a, he hun hi Serchhip District Bawrhsap Pi Sangchhin Chinzah chuan a hmanpui a ni.
HSLC 2017 Topper chawi-mawina hunah hian Bawrhsap chuan thusawiin, C.Laldin-tluanga a lawmpuina thu leh hetianga MZP ten zirlai chhuanawm chawimawina chang an hria chu fakawm a tih thu a sawi a, Dintluanga’n hetianga chawimawina a hlawh chhuak thei chu thu a awih vang te, a taimak leh thawhrim vang a ni tiin, amah leh an chhungkua an tihming\ha mai ni lovin, Serchhip District leh Serchhip khua a tihming\ha a ni tiin, chhuanawm a tih thu a sawi a. A hlawhtlinna ropui tak hi zirlaite entawntlak leh chona tling a ni tiin, a hun lo kal lehzel turah tun aia ropui zawk chawimawina hlawh chhuah tum turin a fuih a ni.

Laldintluanga chawimawi-na inkhawm MZP Hqrs Ser-chhip President T.Biakchamliana kaihhruaiah hian Serchhip DEO Pu Lawmawma pawhin thusawiin, a bial chhunga hetianga mi chhuan awm chungchuang a awm chuan a tihlawm thu a sawi a, he thil hian Marian High School zirtirtute thawhrimna leh taimakna a tilang a ni tiin, zirlaite chu Information Technology hmasawnna a \ha zawnga hmang thiam turin a fuih bawk.

Sub-Hqrs YMA President Pu R.Sanghmingthanga pawhin lawmpuina thu sawiin, Civil Service-a Mizo \halai a tam thei ang ber an luh theih nana YMA-in \hahnem a ngaih thu a sawi a, Serchhip-III VCP Pu PC Siamliana pawhin result chhuah laia VC hnaa C.Laldintluanga a inhlawh thu leh a pualin nimin chhunah chaw tuihnai tak an siam thu a sawi bawk.

Marian High School Principal Father Gabriel-a pawhin thusawiin, an rilrua an tum te Pathianin mal a sawm a, Laldintluanga chu hlawhtling a ni tiin a thawhpui zirtirtute a fak bawk.

He hunah hian Serchhip Town-a VC 8-ten lawmpuina thuziak leh sum fai pe-in, Serchhip Block Congress leh BLock MNF te pawhin lawmpuina an pe a, Advocate Pu C.Lalramzauva’n lawmpui-na `10,000/- a pek tur thu pawh puan a ni a, anni bakah hian Serchhipa tlawmngai pawl hrang hrang leh sumdawngte bakah mimal \hahnem takin chawimawina thilpek an pe a ni.

About Editor

Editor, Zothlifim Daily Newspaper, Serchhip - 796181, Mizoram.

Leave a Reply

Your email address will not be published. Required fields are marked *