Mumbai Bomb puaka inhnamhnawiha puh mi 2 man

Kum 2011 July thlaa Mumbai-a a indawt a hmun hrang hranga bomb tihpuahnaa inhnamhnaih nia puhmi 2 an man tih, Maharashtra Terror Squad chuan niminpiah khan a puang.

An mi man 2 te chu Nadeem Akhtar leh Naqi Ahmed an ni a, he bomb tihpuahnaa a kaihruaitu bera puh, India-a inkhuar, masolman pawl leh a firfiaka tualchhung mi laka che thin - Indian Mujahideen an tih pawl a tel, Yasin Bhatkal erawh a chinchang hriat a la ni lo a ni. Heng mi 2 an bakah hian an mi rinhlelh dang 1, Haroon Naik pawh kawl , court an dil tih ATS Chief chuan a sawi.

Nikum July ni 13-a Mumbai-a hmun 3 – Zaveri Bazar, Opera House leh Dadar-a a zawna bomb tihpuahah khan tualchhung mi 27 an thi a, midang tam tak an hliam a ni.