Mizoram

Serchhip May 5, 2012: Tuikuk raltlan laklet leh thawh lina kal meka a ni hnihna nimin-ah chuan ruahman lawk anga chhungkaw 149 laklet leh tum a nih laiin chhungkaw 6 chiah an lo kir.

Niminpiaha Seat 25 awmna Mara Autonomous Dist. Council inthlannaa vote tla zat chu zaa 86.48 a ni a, New Serkawr polling station-ah phei chuan vote nei zawng zawngin vote an thlak vek a ni.

Foods, Civil Supply & Consumer Affairs leh E&F Department changtu Minister Pu H.Rohluna chuan Supply Deptt. sum zawng zawng deuh thaw buhfai leinan hman a nih ṭhin avang in Godown sak thar leh thuam ṭhat hi thil awlai a ni lo.

Serchhip May 3, 2012: Chief Minister Pu Lal Thanhawla chuan Aizawl-a Assam Rifles ram luah chhunga LSC awm zawng zawng chu Assam Rifles-in an chhuahsan rualin sawrkarin a cancel nghal vek ang, a ti.

Mamit Sub Hqrs. YMA Conference vawi 3-0na chu nizan hmasa khan Zawlnuam-ah ṭan a ni a, zanin thleng a awh ang.

Nimin khan ro rel a ni a, agenda engemaw zat an pass zingah District Jail chu a nih dan tur ang taka hman thuai nise tih leh nungcha humhalh kawngah tun aia nasa zawkin hmalak nise, tih te a tel a ni.

Mamit Sub Hqrs. YMA Conference hi CYMA Vice President Pu Lalbiakzuala leh hruaitu dangte’n an hmanpui.

Mara Autonomous Dist. Council 10-na din tura inthlanna vawiina nei turin ruahmanna engkim peih fel a ni tawh a, tukin dar 7 aṭangin vote thlak ṭan a ni ang.

MADC huamchhunga vote nei thei mipui ten zalen taka vote an thlak theih nan Mizoram sawrkar chuan vawiin hi MADC area, Saiha dist.-ah chawlh a puang a ni.

Tripura relief camp aṭanga Tuikuk laklet thar thawhleh tum 1-na hlawhtling lo mahse, sawrkar ruahmanna siam lawk angin, naktukah a ṭum 2-nan Kaskaupara Relief Camp-a cheng chhungkaw 149 laklet tum a ni ang.

National Academy of Sciences, India (NASI) North East Region leh Mizoram University ṭang-kawp huaihawtin niminkhan Aizawl Vanapa hall-ah zirlaite tan Science Awareness Programme neih a ni.

Nimin chhuna thli na tak tlehin Naisingpara Tuikuk Refugee camp-ah in 600 vel a nuai chhia.

Mizoram Bru Displaced Peoples Forum Vice President Pu R.Laldawngliana sawi thu dawn danin, thli tleh hian in 500 chuang chu luah tlak miah lohin a nuai chhia a, chhe nasa lutuk lote nen chuan in 1000 vel a chhia a, mihring thi leh hliam na lutuk an awm lo a ni.

Mamit District chhung Hmunpuiah pawh thli tleh hian in 8 vel a tichhia a, vanneih thlak takin thi leh hliam na an awm lo a ni.

Ramri hrula khuate tihchangkanna tur ngaihtuahin nimin khan State Level Screening Committee(SLSC) on Border Area Development Prog-ramme (BADP) chu Pu Vanhela Pachuau, Chief Secretary leh Chairman SLSC on BADP ni bawk hovin sawrkar mipawi-mawhte Chief Secretary Conference Hall, New Secretariat Complex-ah an thukhawm.