May thla chhungin Serchhip District ODF-ah puan hman tum

Swachch Bharat Mission (Gramin) hnuaiah Serchhip District chu khaw ek Ina inthiar vekna, Open Defecation Free (ODF)-a puang turin hma lak chhoh mek a ni a, May thla chhung hian SBM (G) hnuaiah Serchhip District chu ODF-a puan hman tum a ni.

SBM (G) Member Secretary thar, Er. F.Lalsanglura, EE, PHED, hnuaiah chak takin ODF-a inpuang tur hian hma lak chhoh mek a ni a, Serchhip District chhung thingtlang khuaa SBM hnuaia Ek in sak te a hmun ngeia an thlalak upload (Geo tagged photo upload) chu zawhfel a ni tawh a, Geo tagged photo upload zo hi Mizoram District 8 zingah 3 chauh an la awm a ni.

Tunah hian Serchhip District chhung thingtlang khaw hrang hrangah SDO, JE leh SBM District Coordinator ten ODF Declaration drive an kalpui mek a, thawktute chuan ODF-a inpuang tur hian tihfel tur hrang hrangte a rang lama tihfel thuai an inbeisei a ni.

About Editor

Editor, Zothlifim Daily Newspaper, Serchhip - 796181, Mizoram.

Leave a Reply

Your email address will not be published. Required fields are marked *