Lawrkhawm

Pen Pistol man
Mizoram Police CID leh Assam Rifle ṭangkawpte chuan niminpiah khan pen hmanga pistol siam an man. A neitu a puh Raj Kumar Chhetry (48) s/o Karna Bahadur Chhetry Aizawl Khatla pawh man tel a ni.

NLUP Bawng hralh rulhtir dawn
AH & Vety hnuaia NLUP hmanga Bawng vulh tur dawn hralhtu Malswmkima s/o Bawia (L) Kolasib chu intiamkamna a ziah tawh angin May 3, 2012 atanga chhiara kar khat chhungin a Bawng tihral hlut zawng dah let leh turin NLUP Implementing Board Secy Zorammuana chuan a hriattir.

Mela nei mek
Tunlai hian Field No.-II-ah MZP-in Zirlai tiṭhate chawimawina tur atana sum tuak nan Mela an buatsaih mek a, mipuiin an hlut hle a, Mela hi tunkar chhung awh tura buatsaih a ni a, mipui lamin an hlut viau chuan a hun pawhsei leh tura dil belh tum niin hriat a ni.

Biak In sawisa leh
Nimin khan Kolasib bul, Thingdawl Hmar Veng Presbyterian Biak In leh Kawn Venga Catholic Biak In te chu suasam leh a ni a, Bible te, Mary lem te, an hal a, he thu buatsaih lai hian a ti tu la hriat a la ni lo.

Huaisen lawmman hlan

Lâwm dawn
Mizoram sawrarin kum 2011 chu Buh Thar tam kumah a puang a. Hemi denchhena tehna hrang hranga tehin Serchhip District chuan ‘Best District Performing Award’ a dawng a, he chawimawina dawn hi vawiin chawhnu khian FIAC Hall, Agri. Complex-ah lawm a ni dawn a, District Bawrhsap, Pu P.Lalchhuanga’n khual-lian niin a hmanpui ang a, he hun hmang tur hian Dr. C.Lalzarliana, Director of Agriculture (CH) pawh a rawn kal ang.

Lâwm dawn
Mizoram sawrarin kum 2011 chu Buh Thar tam kumah a puang a. Hemi denchhena tehna hrang hranga tehin Serchhip District chuan ‘Best District Performing Award’ a dawng a, he chawimawina dawn hi natuk chawhnu khian FIAC Hall, Agri. Complex-ah lawm a ni dawn a, District Bawrhsap, Pu P.Lalchhuanga’n khual-lian niin a hmanpui ang a, he hun hmang tur hian Dr. C.Lalzarliana, Director of Agriculture (CH) pawh a rawn kal ang.

Office sawn
Serchhip Times chuan an Office chu Serchhip Bazar Traffic Point bul aṭangin Pu Vanhlira (L) Buiding ni ṭhin, Pu H.Zonuntluanga Building ni ta, Saser-na Opposite-ah an sawn a, Serchhip Times Office hlui hi MJA (Serchhip District) chuan Office-ah an hmang chhunzawm nghal dawn a ni.

Zikhlum manganpui
Tunlai hian Zikhlum chuan a vanglai a thleng mek a, kumin ah hian Zoram hmun hrang hrangah ching an tam avangin Zikhlum nei ten hralhna ṭha an hriat loh avangin an mangang hle a, Serchhip Vegetables Grower Association chuan phailam aṭanga lo lut tur dan a nih theihnan CM leh Trade & Commerce-ah an harsatna thlen an tum.

Sub-Hqrs. YMA Conference
Naktuk zan aṭang hian Lungpho-ah Serchhip Sub-Hqrs. YMA Conference chu neih ṭan a ni dawn a, naktuk zanah Palai lawmna inkhawm neiin Report hrang hrang ngaihthlak a ni ang a, Nilaini chawhma-ah rorel inkhawm neiin, Nilaini chawhnu-ah hruaitu thlanna neih a ni ang a, Ningani zanah Conference hi a ṭiak ang.

Sport zo fel
Nimin khan Serchhip District High School Sports Meet chu zawhfel a ni ta a, a pumpui-ah Gov’t. High School, Serchhip an champion.

Chanchinbu châwl dawn
MJA (Serchhip District) chuan Chapchar Kut hi chanchinbu chawlhah a puang a, amaherawhchu Zothlifim chu vawiin, Chapchar Kut-ah hian chawl lovin, naktukah kan chawl zawk dawn a, chuvangin naktukah Zothlifim a rawn chhuak lovang.

Chapchar Kût
Vawiin chawhma dar 1:30 hian Field No.-II-ah Sub-Hqrs. YMA huaihawtin Chapchar Kût ropui taka hman tum a ni a, Sub-Hqrs. YMA chuan he hun hmang turte chu Mizo inthuamna tilang thei ang bera inthuam tur leh hmeichhia te chu kekawrtlawn ha lo turin a ngen a ni.