Kuminah Ni 100 inhlawhna pek vek tum

Submitted by editor on Wed, 01/02/2012 - 1:07am

Mizorama District zawng zawng ah kumin sawrkar kum kal mek chhungin ni 100 inhlawhna pek theih vek tura hmalak mek a nih bakah thingtlang mite tana thil rotling siamsak tum a ni.

Sawrkar laipui Flagship Programme, MGNREGA hnuaiah Central sawrkar chuan thla tir khan cheng vbc 126.84 a pechhuak a, ti hian, kumin 2011-12 chhunga MGNREGA hnuaia hmalakna atan Central sawrkar aṭanga State sawrkar in a sum dawn tawh zawng zawng chu cheng vbc 311.95 a ni a, a do let nan State sawrkar chuan cheng vbc 24.11 District 8 ah a pe chhuak ve bawk a, Central sawrkar aṭanga sum dawn leh State sawrkarin a pekchhuah belhkhawm hi cheng vbc. 336.06 a ni a, kumin 2011-2012 hian kum dang zawng aiin hmuh a tam a, inhlawhna tam zawk Job Card neitute hnenah pek theih beisei a ni.

State sawrkarin MGNREGA hnuaia hmalak ṭantirh aṭanga sum a dawn tawh dan chu hetiang hi a ni :

2005-2006 ah Rs. vbc. 6.66;
2006-2007-ah Rs. vbc. 21.52;
2007-2008 ah Rs. vbc. 33.98;
2008-2009 ah Rs. vbc.155.62;
2009-2010 ah Rs. vbc. 224.33;
2010-2011 ah Rs. vbc. 268.66 te an ni.

Cateory: