Kum 42 chhunga a vawi khat nan Sudan-in hnehna changin QF an lût

Sudan chuan kum 42 chhunga a vawi khatna atan Africa Cup of Nations-ah chakna an chang ve ta a, nizan hmasa khan Burkina Faso chu 2-1-in an hneh a, hei vang hian Sudan hian Quarterfinal an thlen phah ta a ni.

Nizan hmasa vek khan roup B-ah Ivory Coast chuan 2-0-in Angola an hneh a, Angola leh Sudan hian point 4 ve ve an hmu a, Sudan hi Goal Difference-ah 0 niin, Angola hi –1 a nih avangin Sudan hi an tlang ta zawk a, an Group-ah Runner-up niin, Ivory Coast chu winner an ni a, kum 1970-a lo champion tawh Sudan tan hian Mudather El Taib chuan goal 2 thunin, Issiaka Ouedraogo chuan hun tawp dawnah Burkina Faso tan goal 1 a thun ve a ni.

Sudan hian February ni 4-ah Quarterfinal-ah Zambia an hmachhawn dawn a, Ivory Coast hian Equatorial Guinea an hmachhawn dawn bawk a, Zambia leh Equatorial Guinea te hi Group-A atanga Quarterfinal lut an ni a, Group - C aṭanga Quarterfinal lut pawh a chiang tawh a, Gabon leh Tunisia-ten an lut tawh a, hemi te pahnih hian point 6 ve ve an hmu a, nizan khan an inkhel a, a chak zawk zawk Group Winner an ni dawn a, Group-D aṭangin Ghana chu lut chiang tawha ngaih theih an ni a, mahse an vanduai chuan an la tla ve thei tho a ni.