January 27, 2012

Hmuh tum thu hriatpui lo
Sawrkar thuchhuah chuan Transport Minister Personal Branchchuan tunhnaiah ZTDA GS in Transport Minister hmuh a tum an hriatloh thu leh phone-in emaw ziakin emaw appointment dilna engmah an dawng lo tih mipuite an hriattir tih a tarlang.

Pawl thar
Aizawl City Bus Owner’s Association, Zoram Taxi Owners’ Association leh Zoram Taxi Drivers’ Asso-ciation chuan ṭang tlangin Aizawl Passenger Carrier Vehicle Joint Action Committee an din.

Inrikrâp dem
Aizawl Venglai V/C YMA leh VDP te chuan thu-chhuah inṭawm siamin, Jan 22 zan dar 7;30 vela an veng K.Lalmalsawma s/o K.Sangṭhuama Electric veng-in silai hmet puakin mi a rikrap niin an tarlang a he thil thleng hi an dem thu leh tun hnuah thleng tawh lo se an duh thu an sawi.

In kâng
Nilaini tlai dar 5:30 vel khan, Zamuang (Mamit district) a chhungkaw 3 luahlai chu a kangral vek a, Bungraw tlem a zawng chauh an chuh hman niin thudawn a ni a, Mihring thi leh hliam erawh an awm lo.

Tla hlum
Nimin zing dar 6:50 vel khan Solomona (28) S/o Chawnghnuna, Vaiva-kawn chu an In bul K.Rosiamliana Building, (Zotlang peng bul) chhawng 5-na aṭangin a tla a, Aizawl Civil Hospital thlenpui a nih hnu-ah a hliam tuarlo in a thi.

Tan dawn hnai
Sawrkar Laipui chuan Natna hri hlauhawm tak pakhat Hepatitis B umbo turin hma a la a, Mizoram ah pawh he hna hi tan thuai a ni dawn a, Sawrkar laipui chuan heta hmantur vaccine leh sum te pawh a ruahman fel tawh nia hriat a ni.