WTA Finals atangin Halep a inhnukdawk

World number one Simona Halep chu a hnungzâng nâ vangin karleha WTA finals khelh tur a\angin a inhnukdawk.
Halep hi thla hmasaa Wuha Open hma khan training session-ah a inhliam a, hei hi a la dam fel lova, Halep chuan, “Hetiang level inelnaa tel chu ka la zuam lo a ni, ka hliam hi a la dam lova,” tiin a sawi a, kum 27 mi chuan sawi chhunzawmin, “Chawlhkar 4 chhung ka practice thei tawh bawk si lova,” a ti bawk.

Halep a inhnuhdawk avang hian World no. 10 Kiki Bertens chuan a hmun ruak hi a luah dawn a, he tournament-ah hian prize money $7m (£5.34m) lai a awm a ni.

Halep chuan, “Hetiang tournament lian a\anga inhnuhdawk hi a har hle \hin a. A dik tak chuan, ka nuna he thil a thlen vawi khatna niin ka hria. Thutlukna siam pawh a harsa hle a, mahse ka hriselna atan a \ha zawk dawn si a ni,” a ti bawk.

Kum 26 mi, Bertens hi kum 1996-a Brenda Schultz-McCarthy hnua Dutch hmeichhe zinga top 10 ni leh thei hmasa ber a ni a, Bertens chuan, “Tun season-ah hian ka hlim hle a, lawmman \ha ber awmna WTA finals khela season ka khâr tur phei chu ka lawm leh zual,” tiin a sawi bawk.
Singapore-a WTA finals khelh tur hi October ni 21 a\angin \an a ni dawn a, Bertens bakah hian join Angelique Kerber, Naomi Osaka, Petra Kvitova, Caroline Wozniacki, Sloane Stephens, Karolina Pliskova leh Elina Svitolina ten singles competition hi an khel dawn a, player 8 te hi group 2-ah \henin, round robin-in an khel ang a, group lehlam lehlama winners leh runners-up ten semi-final an khel ang.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.