Indonesia Sipai thlawhna tlaah mi 100 chuang an thih ring

indonesia_plane_crash

Nimina Indonesia hmar lama an khawpui pakhat, Medan-a mipui chenna hmuna sipai thlawhna tla avangin mi 100 chuang an thih rin a ni a, hei hi Air Force thlawhna chesuala mi an thih tamna ber a ni thei dawn niin a lang.
He thlawhna tla hi C-130B Hercules a ni a, kum 50 vel service tawh niin, a tlaknaah hian in pahnih leh Hotel a tlak hnan a, a tlak hnu hian kângmei nasa tak a chhuak zui a ni.

Air Marshal, Agus Supriatna-in a sawi dan chuan an hriat theih chinah thlawhnaah hian mi 113 an chuang a, hetah hian dam chhuak an awmlo nia hriat a ni a, nizana he thu buatsaih lai hian ruang 66 chu hmuh a ni tawh a, chhanchhuaktu pawl hian meikhu chhah tak hnuaiah chhanchhuah hna hi an thawk zui mek zel a ni.

He thlawhnaa chuang te hi sipai leh an chhungkhat laina te an ni.

About Editor

Editor, Zothlifim Daily Newspaper, Serchhip - 796181, Mizoram.

Leave a Reply

Your email address will not be published. Required fields are marked *