Inbingbiletin Aizawl-ah kawng zawh

Kelkang harhna thleng tur sawilawktu nia sawi, Leisenzo khaw mi, Ginsawmtluang (Tluangsanga) leh a ṭhiante chuan niminpiaha Kulikawn aṭanga Zemabawk thleng tura inbingbileta kawng an zawh chu nimin khan Chanmari aṭangin an ṭan leh a, mipui tam takin an zui avangin lirthei chevel pawh hun enge-mawchen a khaihlak phah a ni.
He thil an tihchhan hi Ginsawmtluanga Pathian aṭanga hriattir a nih vang niin a sawi a, he an thil tihin a entir nia sawi an sawidan chuan Kan hma lawka thim chhah tak lo thleng turah hian a biktakin Aizawl khawpui tawrhna a nasa bik dawn hle a ni tih entirna a nih thu te, Zoram kristiante hian tlâwmna tak tak nen chauh Lalpa kan dawr a hun tawh tih entirna te, Simna diktak nen Lalpa lam kan hawi a hun tawh tih entirna te, kan nun hi tunhma kan nun ang mai mai nilo, nun bingbilet kan neih a hun takzet a ni tih entirna te, kan ralthuam chu kan tlâwmna a ni a, kan tlâwm ngamnaah chauh hnehna kan chang ang tih entirna te a nih thu thulakna chuan a tarlang.

Inbingbileta kawng zawh te hi nimin khan Bawng-kawnah an tawp a, vawiinah Bawngkawn aṭang hian an ṭan leh ang.

About Editor

Editor, Zothlifim Daily Newspaper, Serchhip - 796181, Mizoram.

Comment ( 1 )

Leave a Reply

Your email address will not be published. Required fields are marked *