Hriselna

Nimin khan Bungtlang Primary School-ah Mizoram State Cancer Control Society leh Mizoram State Cancer Institute ten Cancer Awareness Cum Free Clinic an buatsaih.

Nimin khan Pu Lalrinliana Sailo, Health & Family Welfare Minister Office Chamber-ah Consultative Committee neih a ni a, hetah hian Mizoram Health Service (competitive examination Regulations) 2011-ah weighage Rural Services sawi ho a ni a, thingtlang (Rural areas)-a lo thawk tawh Doctor-te duhsak bikna dan tur ruahmanna siam chungchang te, MCON Building sak chungchang chak zawka hma lak dan tur te leh Civil Hospital Aizawl leh Champhai Hospital tihchangtlunna tur hna kal lai mek te sawi ho a ni.

Kum hlui thlah zan leh Kum thar ni khan Mizoram hmun hrang hrangah boruak bawlhhlawh a tlem hle a, hriselna atana ṭhalo khawpa boruak bawlhhlawh leh bengchheng a awm lo a ni.

Mizorama AYUSH Hospital hmasa ber tur lungphum chu Thawhlehni khan Thenzawl-ah Chief Minister Pu Lal Thanhawla’n a phum.

Lungphum phumna inkhawmah hian Chief Minister chuan Ayush Hospital tur lung phum a ni ta chu Mizoram tan ni pawimawh leh chhinchhiah tlak a ni a ti a, Homeopathy chu scientific tak, a damdawite phei chu ngaihsan-awm tak, mihringte tan ṭangkai tak a ni a ti a. Hetiang Hospital ṭha kan neih tur hi a mamawh lotu nih ṭheuh tuma mahni hriselna ngaihpawimawh nachang hre ṭheuh zawk turin a chah a ni.

Krismas leh Kumthar vuakvetah tlawmngaia thisen pek a tlakhniam ṭhin avangin, hunpui laia tlawmngai thisen pek uar a ṭul tih Blood Bank enkawltuten an sawi.

Niminpiah khan Mizoram dist tina Blood Bank dinhmun MSACS Project Director Dr.Eric Zomawia hova zir chian a ni a, Distirct tina Blood Bank hnathawk leh Laboratory Technician te an tel a, tunhnai a Aizawl Civil Hospital Blood bank Model Blood Bank-a National AIDS Control Organisation (NACO)-in a hlankai thu tarlan niin, tlawmngaia thisen pek zat te an zirchiang a ni.

Khawvel hmun dang rualin nimin khan Mizoramah World AIDS Day urhsun taka hman a ni a, a hmanna pui ber Aizawl Vanapa Hall-ah chuan Health Minister Pu Lalrinliana Sailo hovin inkhawm neih a ni a, inkhawm hi MSACS-in HIV kai thar awm tawhlohna tura ṭanlak tih thupui hmangin a buatsaih a ni.

Kumin August thla aṭanga tun thla thleng hian Saiha District-ah naute 17 an thi a, heng zinga engemaw zat chu Meningitis nia rin a nih laiin Doctorte chuan an zinga 2 te chauh meningitis ni thei âwmin an ngai.

Assam sawrkar chuan an state-a hmeichhia-te hnena chhul cancer thlentu, Human Papiloma Virus (HPV) venna damdawi pek beihpui a thlak ṭan.

State Health & Family Welfare Minister, Dr Himanta Biswa Sharma-a’n a sawi danin, a thawh khatnaah kum 13 aṭanga 26 inkar hmeichhia 300-te, HPV venna damdawi pek phawt an ni ang.

Hmarchhak bialah Mizoram chu Hepatitis B Vaccine a thlâwna mipui hnena sem hmasa ber state a ni dawn a, nimin khan vaccine pekchhuah tur hi Health Minister Pu Lalrinliana Sailo chuan hri venna dang pek rual a pek theih turin Aizawla Health Directorate Conference Hall-ah a hawng.

Health Minister chuan hriselna lama hmasawn ber state zinga Mizoram thlan a nih chhan chu AIDS dona kawnga hmalakna ṭhat vang te, thisen pe an tam vangte leh thawktute thawhrim vang a ni a ti a, hmarchhak bial State zingah Mizoram chu Eye Bank nei hmasa ber a nih thu a sawi bawk.

Khawvel pum huap zunthlum natna dona ni, World Diabetes Day nimin khan Mizoramah zunthlum natna vei mi sing chuang an awm rin a nih thu tarlan a ni.

He ni puala inkawm Aizawl Babutlang Archive Hall-a buatsaihah Mizoram Diabetic Society MDS Consultant Dr.Vanlalhruaia chuan zunthlum natna vei an tam chhoh hle thu sawiin, kum 2030-ah chuan khawvela Mihring zatve zetin he natna hi an vei dawn ni a chhut a nih thu a sawi a, he tihlai hian he natna vei zingah dam leh an awm thin tih a sawi bawk.