Headline

Serchhip May 5, 2012: Tuikuk raltlan laklet leh thawh lina kal meka a ni hnihna nimin-ah chuan ruahman lawk anga chhungkaw 149 laklet leh tum a nih laiin chhungkaw 6 chiah an lo kir.

Serchhip May 3, 2012: Chief Minister Pu Lal Thanhawla chuan Aizawl-a Assam Rifles ram luah chhunga LSC awm zawng zawng chu Assam Rifles-in an chhuahsan rualin sawrkarin a cancel nghal vek ang, a ti.

Serchhip May 2, 2012: Mizoram Board of School Education (MBSE) in nimina pawl 12 result a tichhuahah, zirlai exam zawng zawng za zela 60.50 an Pass.

Kum 2012 HSSLC result chhuakah hian subject zawng zawng-ARTS, SCIENCE, COMMERCE, leh VOCATIONAL ah exam ziak mi 11,276 an awm a, an zinga mi 6822 in an pass a, Distincton a pass 65, Ist Division-a pass 992, II Division 2036 leh III Division a pass 3729 an awm a, subject ba nei 591 an awm bawk.

Nimin zingkar khan Sub-Hqrs. YMA Serchhip hruaitu mi ṭhahnem tak chuan Chhiahtlang a District Jail, kum 14 chhung zet an lo sak tawh, tun thlenga hawn a la ni lo chu a dinhmun dik tak hrechiang turin a hmun ngeiah an kal chilh a, sawrkar in sum tam tak a lo senral tawhna hnuhma, tun dinhmuna luah a nih lawk loh vanga rawih ṭan mek chu lainatawm an tih rualin a rawih ral mai lohnan luah thuai ni thei se an duh thu an sawi nawn leh.

Serchhip May 1, 2012: Hmar People Convention (D)-ten Kolasib District chhunga an Demand Area chhung khua – Saipum, Saiphai, Bilkhawthlir, Buhchang leh Rengtekawn VC te chu in tina pawisa khawn tur leh April thla chhung ngeia an hnena pe turin an hriattir.

Serchhip April 30, 2012: Home Minister Pu R.Lalzirliana chuan Tripura relief camp paruk-a awm mek Tuikuk raltlan lo kir duh an awm tak mialin tunhnaiah an lo kirna hun hawn leh a nih dawn thu a sawi.

Pu R.Lalzirliana chuan Ningani-a lo kir tura ngaih Hamsapara relief camp-a mi chhungkaw 141 zingah chhungkaw khat chauh lokir mahse Relief Camp danga awm zingah lo kir duh an awm mial mai thei a ni, a ti a. Chuvangin ruahmanna engkim siam fel lawk sa vek anga kalpui leh phawt sawrkar chuan a tum a ni, a ti a ni.

Serchhip March 22, 2012: Serchhip Sub-Hqrs. YMA Conference, Lungpho-a neih mekah nimin khan rorel leh hruaitu thar thlan a ni a, nimina an rorelnaah hnamdang Mizo hming hawha Sumdawngte tun aia chak zawka dapchhuah leh bawhzui ni rawh se, an ti.

Serchhip March 20, 2012: Mizorama zu khapburna dan hman mek Mizoram Liqour Total Prohibition (MLTP) Act, 1995 zirchiang tura din Study Group te chuan kum khat chuang an zirchian hnuin an thil hmuh leh ngaihdan zirchianna chu nimin khan Excise and Narcotics Minister Pu JH Roṭhuama hnenah an thehlut ta.

Serchhip March 19, 2012: Socio-Economic and Caste Census 2011 (SECC 2011) chu Serchhip District-ah Inrinni zing dar 7 khan Serchhip DC quarter aṭangin neih ṭan a ni a, District Bawrhsap Pu P.Lalchhuanga te chhungkuaah bul ṭan a ni.