Feb. 3 aṭangin Fire Prevention Week

State Level Fire Prevention Committee chu nimin khan an Chairman, Chief Minister Pu Lal Thanhawla kaihhruaina hnuaiah an ṭhukhawm a, Kumina Fire Prevention Week chu ni 3 February 2012 aṭang khian hman ṭan nise an ti.

Meeting chuan Sub-Committee in alo rel tawh angin, kum danga lo tih tawh angin March ni 15 hma ngei khian lo hal nise tih chu an pawmpui a, Lengpui Airport leh a chhehvela lo/huan hal turte chuan tlai dar 3 hnu lamah chauh hâl tura hriattir nise tiin, Kolasib, Mamit leh Aizawl DC te chu hma la tura hriattir nise a ti a, Khawthlang lamah lo hal hun hi an tlai ṭhin avangin Mamit leh Kolasib DC te chu hma taka hriattirna chhuah a, chak taka bawhzui tura hriattir nghal nise meeting chuan a ti a,

Kum 2010 December aṭanga May 2011 thlenga kangmei chhuak chu hmun 58 ah niin, ram hectare 1259.95 a kang chhia a, hei hi `1,66,000/- hu vela chhut a nih thu meeting-ah hian tarlan a ni.