Serchhip a Internet Facebook hmang thin SERCHHIP FACEBOOK USER GROUP(SFUG) te buatsaihin ni 29.12.2011 tlai dar 3:00 ah P&E Rest House Bukpuiah WINTERFEST buatsaih a ni a, he hunah hian Serchhip a thalai rual mi 100 bawr vel an pungkhawm.
Hmarchhak state huapa tunlai rimawi hmang Kutpui ‘Contemporary Music Festival of the Northeast’ chu nimin khan Aizawl Vanapa Hall-ah neih a ni.
He Music festival-ah hian Meghalaya aṭanga lo kal ‘Roller Blades’ leh Nagaland ami ‘Clueless Attention’ bakah Mizoram aṭangin Band 3 - Boomarang, Apple leh Zorimawi (IMFA 57th batch) ten an thiam hmangin mipui an awi a ni.
India lemchan thiam hmingthang, a hunlaia Bollywood Star zinga hmelṭha ber pawla sawi ṭhin, Dharam Dev Anand, 'Evergreen Romantic Superstar of Indian cinema' tia koh chu nimin, Pathianni zing lam khan kum 88 mi niin London-ah Lung nâ (cardiac arrest) vangin a boral!
Dev Anand hian hun engemawti aṭang khan insawiselna neuh neuh a neih avangin medical check-up turin London a pan a, hma sawn vak theilo-in, zual lam a pan zel a, a boral lai hian a fapa Sunil-a'n a awm pui a ni.
Serchhip Cable Network-in Serchhip District huap-a tleirawl/rawlthar zaithiam intihsiakna a buatsaih, Teens Idol thlanna kal mek zelah Top-10 thlan chhuah an ni ta.
Top 10-ah hian mi 11 thlan chhuah an ni a, heng mite hian Nilaini zan dar 7:15-ah Hmar Veng YMA Hall-ah intihsiakna an nei leh dawn a, Top 8 thlan an ni ang a, he an intihsiak zawh veleh hian SMS hmangin mahni duhzawng vote theih a ni dawn a, SMS Vote hi Judge pakhat anga ngaih a ni dawn a, Teens Idol hian lawmmanah Scooty a dawng dawn a ni.
Inter Media Publicity Coordination Committee nimina Aizawl-a ṭhukhawm chuan, cable TV ten dan bawhchhia hnamdang siam flim hrang hrang Mizo ṭawnga lehlin an chhuah ṭhin chu an ngaihmawh thu an sawi a, he thil hi dan kalh a nih thu leh mipui rilru a ni lo zawnga kaihruai thei tu a ni tih mipui hriata uar zawka puanzar ni se an ti.
International Film Festival of India (IFFI) vawi 42-na chu nizan hmasa khan Goa-a Margaon-ah tan a ni a. He film festival hawnna hun hi Ravindra Bhavan auditorium-ah neih a ni.
He International Film Festival of India vawi 42-na hawnna inkhawmah hian India film star lar Shahrukh Khan-a te, Ambika Soni, Union Minister of Information and Broadcasting leh Goa Chief Minister Digambar Kamat-a ten he Film festival pual hian hnam khawnvar an chhi a. Kal khawmten an ngaihlu hle a ni.
AIR FM Lunglei chuan 8th December 2011 (Ningani) zan dar 7:00-ah F.M Lunglei Music Award 2011 chu SAIKUTI HALL ah ropui takin a sem dawn ta. He Award-ah hian category hrang hrang 6 (paruk) buatsaih a ni a, SMS Vote hmanga thlan tur a ni. Chungte chu :
1. Tunlai Hmeichhia fakna hla satu lar ber.
2. Tunlai Mipa fakna hla satu lar ber.
3. Tunlai Hmeichhia lengzem hla satu lar ber.
4. Tunlai Mipa lengzem hla satu lar ber.
5. Tunlai Zaipawl lar ber.
6. Tunlai hla lar ber.
Social media web-site saucytime.com chuan entertainer zinga a minute anga sum hlawh chhuak tam list a tihchhuahah Beyonce chu sang berin, Mariah Carey chuan a dawt.
He site-in a tarlan danin, Beyonce hian kumthar hmuahna atan-a mimal programme siamah hla 5 sa in, £1.25m zet a hlawh a. He a hlawh hi a minute ang zawnga chhutin, minute 1 zelah £ 710-40 a hlawh tihna a ni a. Tun dinhmunah chuan a ni anga a minute ang zawnga hlawh tam hi an la awm lo.
RECENT COMMENTS