Distrcit Level Horticulture Exhibition

Divisional Horticulture Officer, Serchhip buatsaih ni 2 awh tur District Level Horticulture Exhibition, New Serchhip YMA Hall-a neih chu Nilaini khan District Bawrhsap Pu P.Lalchhuanga’n hawngin, thlai thar pho lan te hi uluk takin a en chhuak vek a ni.

District-Level Horticulture Exhibition hi Sawrkar Laipui aṭanga ruahmanna lo kal Horticulture Mission for North Eastern Region kaltlanga buatsaih niin, Exhibition a senso atan hian tangka fai `1,30,000/- sanction a ni a, he exhibitionah hian Horticulture Department kaltlanga hmalakna te pholan niin Horticulture Crop chi hrang hrang an pholang kim hle a, tun tumah hian thlai thar chi hrang hrang (Crop items) 22 ah lawmman siam a ni a, Serchhip District chhung hmun hrang hranga loneitu mi 168 ten an thlai tharte an pholang a ni.

Exhibitiona thlai thar pho lan te hi Category li – Vegetables, Flowers (House Plant leh Artistic), Fruit Crops leh Spices ah te then darh an ni a, Lawmman pakhatna hian Thuziak (citation) leh tangka fai `1,000 a keng tel a, lawmman pahnihnain tangka fai `700, pathumna in tangka fai `500 leh consolation prize atan mipakhat zelah `300/- theuh sem a ni bawk.