Assam-a hel pawl 9 a huho-in ssawrkar kutah inpe

Assama helpawl 9-te chu nimin tuk khan a huhovin sawrkar kutah an inpe a, Home Minister P Chidambaram-a leh State Chief Minister Tarun Gogoi-a hmaah heng helpawl ami 1695 te hi an ralthuam nen an in pe a ni.

Hemi puala inkhawmah thusawiin, Home Minister chuan, Assam-a remna leh inrintawkna thlen ni pawimawh tak leh ni chhinchhiah thlak a ni a ti a, ngaihdan hrang leh inhriatthiam lohna te chu boruak muanawm tak hnuaiah a sawifel theih a ni a ti.

Chief minister pawhin helna chu remna leh muanna hnuaiah chauh a sawifel theih tih sawiin, State leh sawrkar laipui pawhin helna nuaibo a duh hle a ni a ti a, Paresh Barua kaihhruai ULFA pawh inremna kawng zawn puiah a sawm nghal a ni.