Arunachal Pradesh-ah sawrkar thar din leh theih dawn ta

Supreme Court chuan Arunachal Pradesh ah thil awm dan pangngai ang a awm rih tur a niminpiaha thutlukna a siam hnuah nimin khan President’s Rule hnuh kirna tur kawng a hawng leh ta a. Hei vang hian Arunachal sawrkar thar din a theih dawn ta a ni.
Justice Jagdish Singh Khehar-a’n a ho Apex Court Constitution Bech chuan Original record te a endik na ah Assembly Speaker hlui Nabam Rebia-a’n member nihna a paih sak MLA 14 te chu hriattirna pek an ni lo tih hmuchhuakin, nimin a thutlukna a siam, thil awm dan pangngai ang a awm rih tur a tih chu thupekna chu hmanloh tur a ti leh ta a ni. MLA 14 te member nihna paih-sakna kenkawh rih lohna tur a interim order Gauhati High Court in a siam chu pawmpuiin Apex Court chuan hemi chungchang hi tun thla ni 22 a ngaihtuah tur leh kar 2 chhung a chingfel turin High Court chu a hriattir nghal a ni. Thawhṭanni kalta khan Congress MLA hel Kalikho Pul-a’n a ho MLA 31 te’n Governor hmu in sorkar thar din thei ah an inchhal a, heng mi te hi Congress MLA hel 19, BJP MLA 11 leh Indpt MLA 2 an ni.

Congress chuan Arunachal sorkar thar din phal lo tur leh a hma a awm dan ang a awm tir turin Supreme Court ah a ngen a, mahse Court chuan Governor in sorkar thar a lakluhna kawng a inrawlh a duh loh thu a lo sawi tawh bawk a ni.

About Editor

Editor, Zothlifim Daily Newspaper, Serchhip - 796181, Mizoram.

Leave a Reply

Your email address will not be published. Required fields are marked *