ABV-a’n Torres thlavang a hauh leh

Thla 12 a liam ta a, Chelsea tan goal 5 chiah a la khung a, chhan ngai Fernando Torres chu an boss Andre Villas-Boas chuan a chhan leh ta.

British club-in player an lei zinga man to ber a nihna kha nikum January kha a ni a, hetiang em ema Stamford Bridge-a a hlawhtling ta lo hi chu mi tam tak chuan an ring pha lo ang.

Goal khung tura pound maktaduai 50-a an lei a ni a, mahse match 43-ah goal 5 chiah a la khung a ni. Heti chung hian AVB chuan a a thlavang hauhin a lakah hian beiseina a la nei sang hle a, "A form-a ṭhang zel player kan hmu mek a ni. Goal chu kan beisei tlangpui a, a thun leh pawh kan beisei a ni," a ti. Swansea laka a khelh ṭhat ang khan a khelh zel a beisei em tia zawhna chu chhangin, "A tak ramah chuan chu chu a ni a, mahse team tan hian a ṭangkai a ni. Fernando hi midang tana siamsak hnem bertu zinga mi a ni a, midang tan a tangkai a ni," a ti.