Congress sawrkarah Dânin awmzia a nei lo : MNF, East Block, Serchhip

(An thuchhuah a ngai ngaiin)

MIZO NATIONAL FRONT, BLOCK EAST  SERCHHIP
PRESS RELEASE

Congress sawrkarah Dânin awmzia a nei lo

Dt. 24th & 25th April, 2013-ah zanhnih riak turin Lalthanhawla, Chief Minister, Mizoram chu Serchhip-ah a lo kal a. Dt. 25th April, 2013 (Ningani) zing karah Serchhip Auto Rickshaw Owner’s Association hruaitute’n Chief Minister hi P&E Rest House, Serchhip Bukpui-ah an va hmu a. Serchhip Town chhung bak khaw thenawm, 1) Chhingchhip, 2) Keitum, 3) Bungtlang leh Thenzawl-ahte tunhma pawhin kan tlan thin a tiin, tlan phalna an dil a. Ani chuan a lo remtihsak mai niawm tak a ni.

Serchhip DTO hian State Transport Authority order dinglai angin Serchhip Cable TV, TT Vision-ah Scroll-ah kaltirin mipuite hnenah hriattirna a ti chhuak a. Hetiangin, ‘Taxi All Mizoram Taxi permit nei lo leh Auto Rickshaw te tan Serchhip Town chhung in ding lai tawp ber bak phalna nei lo tan tlan phal a nih loh thu leh tlanlui an awm chuan permit cancel leh Rs. 5000/- (Cheng sangnga) thleng chawitir theih a ni,’ tiin.

State Transport Authority order dinglai copy hi Serchhip DTO hian Chief Minister a pe a. Serchhip DTO leh a Staff te lungmuang taka an awm laiin, a ni la lain  Serchhip DTO, MC.Sangchunga chu transfer order pek nghal chuk chuk a ni. A tuk Dt. 26th April, 2013 (Zirtawpni)-a Aizawl Transport  Directorate Office-a Joining report pe nghal tura order hi pek a ni. Dan humhimtu tur bera ngaih, ram hruaitu lu berin thinrim leh titau rawngkaia  sorkar dan anga kal Officer  a transfer mai hi mak kan ti.

Hetianga Officer Serchhip-a Head of Department ve meuh transfer order rang lutuk leh hmanhmawhthlak lutuk tak mai, ram hruaitu lu berin a ti chhuak ta rum rum mai hi a rorelna a kha kan tiin, demawm kan ti takzet a. Sadama lal lai leh a rorel dante min ti hrechhuakin, an lal lutuk tawh a, dan leh mipuite zahna pawh an nei ta ngang lo a nih hi. Hetiang rorelna hi mipuiten an kham tawhin an ning tawh takzet a ni.

Lalthanhawla, Chief Minsiter  Serchhip-a zan hnih lek riaka rawn kal a, a rawn chet dan hi mipuiin mak an tiin an dem takzet a. Sorkar hnathawkte vaubeta mipuite vote vanga lalthuthlenga an han thut veleh a, a zia lo lang chhuak thin, mipuite hmusita tawngkam dengkhawng tak taka tawngkhum vak vak thintu hi lalthutthlenga thu zui zel tlakah kan ngai hlawl lo a ni.

Hetiang a mipuite zahna pawh nei lova inti lal lutuk tawh leh Dictator te rorel dan ang maia dan pawh pawisa lova, rorelna kalpui mektu Lalthanhawla hi ram hruaitu luber Chief Minister ni zui zel tlakah kan ngai thlawt lo a ni.

Issued by Mizo National Front,  Block East Serchhip

About Editor

C.Lalrochhuanga,
New Serchhip, Serchhip – 796181
Mizoram
Contact: 8974286711

Comment ( 1 )

  1. HRIATA CHHANGTE

    Kan CM chuan transfer thut thut ta lo se chuan mitin tan pawh kan DTO transfer chu pawm a nuam deuh dawn tihna chu ani reng mai. Mahse kan MLA hi Mizoram CM ani miau va, transfer kha hmanhmawh thlak a ti hle ani mai a….. a saptawng takin exigencies to ensure public interest in Serchhip district awm niin a hre ve anih ber mai awm chu… Kan Serchhip khawtlang tana thatna tur ( chutiang bawkin kan ram leh hnam tan pawh) pawimawh zual bikah te hi chuan party/ kohhran pela Mizo-Kristian ang tawpa kan tan rual ve hun a awm fo reng asin.. Eng pawl emaw kohhran emaw pawh hi i rui duh map lovang u..ruih rau rau chuan Thlarau Thianghlim hi a ruih tlak ber hmel e… Tin , chutih rualin sawrkar officer thawk dik tan engmah hlauhawm a awm lo…. transfer tih vel mai mai chu kan thawhna/ dinhmun ken ve reng ani e..

Leave a Reply

Your email address will not be published. Required fields are marked *