Tuirini lei tlawh

Thawhṭanni khan PWD Minister Pu Lal Thanzara chuan Tuirini lei siamṭhat hna thawh mek chu a hmunah kalin hnathawh chin leh hmabak la awm a en a, Minister hi PWD Engineer-in-Chief Pu R. Vanlaltluanga, Chief Engineer (Highways) Pu K. Lalsawmvela leh PWD engineer dangten an ṭawiawm a ni.

Turini lei siamṭhat hna hi tunah hian Bailey Bridge innghahna tur cement concrete in siam mek a ni a, ruahman dan leh tluang taka hna thawh a nih chuan May thla tawp lamah lei innghahna tur cement concrete structure hi peihfel beisei a ni. Hemi zawh hian Bailey Bridge hi PWD Mechanical Division-in an dawh ṭan ang a, anni lam hian June thla velah lei dawh hi an peihfel an beisei a ni.

Minister leh PWD hotute hian lei siam a nih chhunga pumpelhna kawng (diversion) hman mek te pawh an en leh a, hume pipe phum a tlêm deuh avangin tui a len hma in hume pipe dang phûm belh ni se tiin ruahmanna siam a ni.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *