Mizoram sawrkarin Police te kut a phuar ngei e:BJP Mizoram

BJP Mizoram Pradesh chuan Mizoram sawrkarin Police te kut phuar ngei niin an sawi.

BJP Mizoram Pradesh chuan nimina thuchhuah an siamah Congress MLA 9 te hausakna kum 2008 leh 2013 inkara pung chak lutuk avangin ACB SP-ah July ni 18, 2017 khan FIR an thehlut tih an sawi a, ACB hian Vigilance Department-ah chhui phalna dilin, Vigilance Department hian phalna a pe thei lova, hemi chungchangah hian Vigilance Department chuan thuchhuah siamin “He FIR hian tumah malmanin thil dik lo tia puh a neih loh avang leh, MLA Candidate ten kum 2008-2013 inkara an thil neih danglam chung-chang a ziah lan mai chauh avangin, Vigilance Department-in uluk taka a en hnuah ACB hmalakna chi ah a ngai lo” an ti niin an sawi a, hetihlai hian BJP Secretary Pi Lalrinkimi hminga ACB-a FIR thehluhah hian MLA hming 9 te chu chiang takin tarlan a ni a, an hausakna pun chak dan pawh chiang takin a tarlang tel tih an sawi a, hetiang a nih mek laia Vigilance Department-in hetianga thuchhuah a siam ta mai chu Chief Minister-in a thuneihna dik lo taka hmang a, amah leh a MLA te hum tuma a hmalaknaah BJP Mizoram Pradesh chuan a ngai a ni, an ti.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *