Champions League thlirletna

Nizan hmasa Champions League-ah Group-H hmahruaitu pahnih Real Madrid leh Tottenham te an inhnehtawk a, Premier League hmahruaitu Manchester City chuan Italian Serie-A hmahruaitu Napoli chu 2-1-in an hneh bawk a, Liverpool pawhin record siamin 7-0-in NK Maribor an hneh bawk.

Real Madrid 1-1 Tottenham

Goal hnihte hi first half-a lut ve ve a ni a, Minute 28-naah mual dinglam sir aṭanga Serge Aurier cross ṭha zet chu Harry Kane chuan khen ṭhelh a, mahse Madrid defender Raphael Varane chuan an lamah a khak goal ta tho a, mahse first half tawp dawnah Tottenham chuan penalty an chawi a, Box chhungah Serge Aurier chuan Toni Kroos a titlu, referee chuan penalty a ham a, he penalty hi Cristiano Ronaldo chuan goal-ah a chantir, an siphurh a rul a, 1-1-in an in-draw a ni.

Team hnihte hian game 3 khel ve ve tawhin point 7 an hlawhchhuak ve ve a, Tottenham hian hma an hruai a ni.

German Bundesliga-a hmahruai mektu Borussia Dortmund chu hma taka Champions League aṭanga tla thei dinhmunah an ding mek a, nizan hmasa hian Apoel Nicosia nen 1-1-a an in-draw hnu-in Apoel nen hian point 1 ve ve chiah an la nei a, Tottenham leh Real Madrid te an phak lohna hi point 6 lai a ni tawh a ni.

 

Manchester City 2-1 Napoli

Raheem Sterling chuan minute 9-naah goal thunin Gabriel Jesus chuan minute 13-ah City goal hnihna hi a thun chhunzawm a, tun season-a Serie-A-a game 8 an khelh tawha la chak vek, Napoli hian penalty ṭum hnih an hmu a, Ederson chuan a hmasa zawk Dries Mertens pet chu a dang a, a hnuhnung zawk hi Amadou Diawara chuan a thun a, 2-1-in City hi an chak a, heti hian competition hrang hrangah City hi a zawnin match 10 an chak ta a, Group-F-ah point 9 hmu-in hmahruaitu an ni a, Napoli hian point 3 neiin pathumna an ni a, pahnihnaah point 6 nei Shakhtar Donetsk an awm a ni.

 

NK Maribor 0-7 Liverpool

Liverpool tan hian Roberto Firmino (4′, 54′), Philippe Coutinho (13′), Mohamed Salah (19′, 39′), Alex Oxlade-Chamberlain (86′) leh Trent Alexander-Arnold (90′)-ten goal an thun a ni. Liverpool hian History thar an siam a, Europen Cup-a English team zinga away-a an tumpuite hneh nasa ber record an siam a, record dinglai chu kum 1969-a Leeds United-in 6-0-a Norwegians Lyn an hneh leh 1957-a Manchester United-in 6-0 bawka Irish Club Shamrock Rovers an hneh kha a ni.

Hei vang hian Liverpool hi Group-E-ah point 5 neiin hma an hruai a, pahnihnaah hian point 5 nei tho-in Spartak Moscow an awm a, pathumnaah Sevilla chuan point 4 an nei a, NK Maribor hian point 1 an nei a ni.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.