Serchhipah BLO training neih a ni

Serchhip District chhunga Booth Level Officer te tan nimin khan DC Conference Hall Serchhipah Special Summary Revision of Electoral Roll, 2018 chungchangah Training buatsaih a ni.

District Bawrhsap Pi Sangchhin Chinzah, Deputy Commissioner chuan training hawnna thu sawiin, inthlang ram kan ni a, sawrkar lama a thawktute ten inthlanna kaihhnawih buaipuiin an hmanhlel em em reng a. Chutih rual chuan a bulthuma thawktu tangkai leh pawimawh tak chu Booth Level Officer te in ni, a ti a. Kum thar maiah inthlan kan hmachhawn leh dawn ani tih hre chungin vawiina training chu uluk taka ngaihven tur leh, khua leh tui dik tak, kum 18 tling zawng zawngte Electoral Roll-a a chuan vek theih nana an hriat tur leh an tih turte chiang hle turin a chah a ni.

He hun hi Pu Abraham B. Khithei, Election Officer chuan a kaihruai a. Pu Beitlotha Nohro, MCS Master Trainer chuan zirtirna a pe a ni.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *