PRISM-in Lal Thanzara man tur niin an ngai

Pawl phuahchawp hnena Dan kalha a MLA LAD Fund Cheng Nuai 21 chuang pe a, diklo taka a party mite duhsak nana mipui sum a hmang nia an sawi Cabinet Minister Lal Thanzara chu man tur nia an ngaih thu PRISM-in an sawi.

He thu hi nimina PRISM ‘Bengvar Inkhawmah’ Pu Vanlalruata, President PRISM chuan thu sawiin, Chanmari West-a MLA Fund hmanga hnathawh an enfiahna aṭanga thil diklo awmte an puanzar Chanmari West Congress Unit I & II ten thuchhuah inṭawm siama an sawifiahnaah Chanmari West Local Council te pawhin an hriat loh Chanmari West-a MLA LAD Fund lut zinga 68.29% lai thawktu MDF chu sawifiahin ‘My Dear Friends Welfare’ tihna niin an sawi a, Pu Vanlalruata chuan Firms & Society te, Co-operation te leh LE&IT Department-ah te hetiang pawl hi a awm leh awm loh an zawt tih sawiin, tuman a awm an hre lo nin an sawi a, chuvang chuan he pawl MDF hi phuahchawp a ni a, Aii Puk Scandal nia sawi ṭhin pawh kha material dawngtu ‘Aii Pûk Farming Society’ te register an nih loh avanga issue rawn lian chho ta a ni,” tiin, “Hetianga pawl phuahchawp hnena mipui sum heti zat a pek avang hian Cabinet Minister Lal Thanzara hi man ngei turah PRISM chuan kan ngai a ni,” a ti.

MLA LAD Fund hi mipui hman tur (durable assets) siam nan leh mipui vantlang hman tur assets leh equipment lei nan chauh hman theih a ni a, MLA LAD Fund hi mimal te, political party te leh sakhaw pawl hminga thawh theih a ni lo tih PRISM chuan an sawi a, “Chan-mari West Congress Unit ten mi harsa, rethei, damlo leh ṭanpui ngai te ṭanpui nan hnate hi hmang anga an insawi hi a dik lo a, MDF in an thawh nia sawi hnate hi rulling party leh an mi leh sate thawh vek a nih avang-in he pawl phuahchawp hi corruption tihna atan an hmang ngei a ni,” Pu Ruata chuan a ti.

MLA LAD Fund hman dan hi PRISM chuan hmun hrang hrangah an enfiah zui zel dawn tih an sawi a, tun karah hian Electric Veng Aizawl huamchhung enfiah leh tura ruahmanna kalpui mek a ni tih an sawi.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *