MNF ṭhalaiin HIV/AIDS vei tamna ber state Mizoram a ni chu Congress sawrkar thawhrahah an ngai

MNF ṭhalai chuan Mizoram hi India ram puma mihring awm zat aṭanga chhuta HIV/AIDS vei tamna ber state a ni chu kum 9 chhung Congress sawrkar thawhrahah an ngai tih an sawi.

MNYF thuchhuah chuan August ni 22-24,2017 chhunga Shillong, Meghalaya-a HIV/AIDS chungchang review meeting-a tarlan danin, financial year 2016-17 (kum khat) chhungin Mizoram puma mi 81,108-te thisen endik zingah mi 2,048 zet chuan HIV hrik an pai tih hmuh chhuah a nih thu chanchinbu lamah a lo lang a, Congress sawrkarin kum 2015 aṭanga zu zawrh a phal a chin Mizoramah zu kaihhnawih sualna chi hrang hrang a pung a, ruihhlo hman sual avanga thi an pung a, mipat hmeichhiatna hman khawlohna a hluar avangin HIV/AIDS vei pawh an pung zel a, hei hi sualna leh nun khawlohna thlen thei zu phalrai vangah MNF ṭhalai chuan an ngai tih an sawi.

CYMA hnuaia Supply Reduction Service (SRS) report danin, zu zawrh hma kum thum chhungin ruihhlo vanga thi mi 119 an awm laiin zu zawrh hnua tun thlenga ruihhlo vanga thi hi mi 131 an tling tawh tih sawiin, MNYF chuan hei hian zu zawrh vangin ruihhlo vanga thi an pung tih a tilang tih an sawi a, heti a ni chung pawha Congress sawrkarin, Mizo ṭhalaite suat hnem bertu zu a phalrai reng mai hi, fate eitura tûr phul angah an ngai tih sawiin, zu avanga mipat hmeichhiatna hman khawloh lo hluar chho ta te, India ram puma mihring chêng zâta chhuta HIV/AIDS vei tamna ber state kan ni ta te, ruihhlo hmansualna avanga ṭhalai thi lo pung zelte chu Congress sawrkar thawhrahah an ngai tih an sawi a, fate hnena tûr tawktarhtu Congress sawrkar chu 2018 MLA inthlanah mipuiin an paihthlak ngei an rin thu an sawi.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *