Ṭangrual Pawl (Zoram Poeples’ Movement)-a mawhphurtu insiam fel

Zoram Peoples’ Movement Steering Committee nimina Pu ṭhukhawm chuan, Ṭangrual Pawla mawhphurtu an insiam fel.

Mawhphurhna an insiam dan chuan Chairman-ah Upa Lalliansawta, Zoram Exodus Movement (ZEM) an ruat a, Vice Chairman-ah Dr. Kenneth Chawngliana (ZNP) leh Pu Lalthansanga (Chatea) (MPC) te an ruat a, Gen. Secretary-ah Pu K. Sapdanga (ZEM), Treasurer-ah Pu F.Rodingliana (ZEM) bakah Secretaries-ah Pu V.L.Zaithanzama (MPC) leh Pu PC Vanlalruata (ZNP) te an ruat bawk.

Anni bakah hian Member-ah Rev.Dr. K.Thanzauva, Pu Michael Lalthanmawia, Pu PB Lalsawmliana, Pu HB Lalnun-thara, Pu RD Lalrammawia, Pu Lalbiakzama, Pu V. Lalthazuala leh Pu B. Lalchhanzova te an ruat a, Ṭangrual Pawl Spokesman atan Pu K.Sapdanga ruat a ni bawk.

Nimina Zoram Peoples’ Movement Steering Committee ṭhukhawm hi an chairman thar Upa Lalliansawta’n a kaihruai a, Ṭangrual Pawl Thawhhona Thuthlung tlangpui an siam fel a ni.

Val Upa Council member-te vawiinah an inhmukhawm ang a, mawhphurtu an insiam fel dawn a, Val Upa Council leh Steering Committee member-te hian vawiinah vek hian joint meeting an nei zui ang.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *