S.Africa-in inkhelh ṭhat remti

South African football hotute chuan 2018 World Cup Qualifying-a Senegal nen inkhel ṭha leh tura an tih chu an remti ta.

FIFA chuan an inkhelh hmasaa referee Joseph Lamptey chu diklo taka match khawih danglama puh a nih avanga damchhung atana hrem a nih avangin an inkhelh tawh chu khel ṭha leh turin an ti a, South African Football Association (Safa) chuan he thutlukna hi khinlêt tum mahse FIFA thutklukna hi an pawm thu an sawi leh ta zawk a ni.

Nikum November-a an inkhelh khan South Africa hian 2-1-in Senegal hi an hneh a ni.

Hetianga an inkhelh ṭhat leh dawn takah chuan South Africa chu Group D-ah point 1 hmu-in a mawngphahah an awm leh dawn a, pathumna Senegal hian point 5 an nei dawn a ni.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *