Liverpool-in Mane hremna an khin lêtnaah thiam chang lo

Liverpool chuan Manchester City laka an tlawm tuma hnawhchhuak tawh Sadio Mane an hremna an khin letnaah hnehna an chang lova, Mane chu match 3 hrem a ni dawn a ni.

Kum 25 a upa Mane hi Inrinni a Man City nen an inkhelh tum khan City goalkeeper Ederson chu a hma ah tlawh in hnawhchhuah a ni a, 5-0 laia an tlawm mai bakah Mane hi match 3 khel theilo tura hrem a ni bawk a ni.

Mane red card hmuh chungchangah hian football expert te hrang hrang ngaihdan a inanglo hle a, ṭhenkhat chuan goalkeeper nen ball lak tum a inchuh an nih avangin red card pek a awm lo ni a an sawi laiin ṭhenkhat ve thung chuan red card referee in a pe ta kha thutlukna dik tak a nih thu an sawi ve bawk.

Liverpool hi an hlawhtlinglo a nih tak avangin Premier League-ah Burnley leh Leicester te a hmachhawn ve theih dawnloh bakah EFL Cup lamah game khat a khel ve theilo dawn bawk a ni.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *