Congress sawrkar dawngdah hi Total Bandh buatsaih kan tum chhan a ni:Tawnluia

MNF Sr Vice President leh MNF Action Committee Chairman ni bawk Pu Tawnluia chuan Congress sawrkar dawngdah leh hnathawk lo lutuk chu Total Bandh buatsaih an tum chhan a nih thu a sawi.

Nimina Mizo Hnam Run Chhung Inkhawmah he thu hi thusawiin, Pu Tawnluia chuan “Ni 14.9.2017-a Mizoram pum huap Total Bandh buatsaih kan tumna chhan chu, ruahsur hi buatsaih kan tum chhan a ni lova, Congress sawrkar dawngdah leh hnathawk lo lutuk hi Total Bandh buatsaih kan tum chhan chu a ni. Car manto an lei a, helicopter-in an thlawk a, an VIP miretheite kalna kawngchhia siam an tum lova; kawng siamna tur sum tam tak an dah hnur a, siam a ni si lo. Tun thlengin hmun tinah kawng a chhia a, kawngchhia avanga lirthei tlan ngam lohna kawng hialte pawh a awm tawh a, kan eibar phurhna Bairabi kawngte thleng pawhin lirthei kalna tlak loh a lo ni ta. Zinmite pawh kawngchhiat avangin an thang ṭhin leta rei an thang a ngai ta. Fur a la ni chho zel dawn nite pawhin a hriat a, engtianginnge a la chhiat chhoh zel dawn kan sawi thei lo. Chuvangin, mipuiin sawrkar kan auh thawh nan ‘Kawngchhiat avanga mipuite thlavang hauh nan’ Total Bandh hi buatsaih tur kan ni,” a ti.

Pu Tawnluia chuan, he Total Bandh hi uluk tak, fel tak leh khawng taka kalpui tum a nih thu a sawi a. Mipuite hriatthiamna leh ṭawiawmna a ngen a ni.

Total Bandh hian ni 14.9.2017 zing dar 5 aṭanga tlai lam dar 5 inkar chhung a awh dawn a, Mizoram puma MNF hruaitute chu hriattir vek an ni tawh tih MNF thuchhuah chuan a sawi a, Total Bandh atana inbuatsaih tur hian MNF chuan mipui zawng zawngte a ngen a, ni khat hna kalsan leh chân huama Mizoram hmun hrang hranga kawngchhiate siam a nih theih nan mipuiin sawrkar an auh hlawhtlin ngei theih nan Total Bandh tihlawh-tling tur hian mi zawng zawng MNF chuan a sawm a ni.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *