Vawk pul hri vanga vawk thi te râlna sum sem

Home Minister Pu R. Lalzirliana chuan nikuma vawk pul hrileng avanga ṭawi Cluster huam chhunga vawk chân in-report mi 82 te hnenah zangnadawmna, vawk note thla 5 hnuai lam pakhat zelah Rs.500 leh vawk thla 5 chunglam pakhat zel ah Rs.1000 ralna a sem.

Home Minister hian nimin khan a bial ṭawi Constituency chhunga vawk thi te ralna hun a hman rual hian NLUP beneficiary-te hnenah Agriculture Department hnuaia NLUP 3rd leh 4th Phase ṭanpuina leh AH & Veterinary Department hnuaia NEDP-NLUP Convergence Scheme installment hmasa ber a sem nghal a, SIRD&PR kaltlangin Rashtriya Gram Swaraj Abhiyan (RGSA) scheme hnuaiah ṭawi Constituency chhunga Village Council 15 hnenah Computer Set leh printer a hlan bawk a ni.

He hunah hian Home Minister chuan NLUP chu a thlâwna dawn ni mahse a dawng tuten an tih ve tur an hlen ngei a ngai a ni a ti a, Sawrkar aṭtanga malsawmna an dawn chu a petu tak tak chu Pathian a ni tih hria a, a nihna tur dik tak chauha hmang ngei tur leh hlawhtlinpui ngei turin NLUP dawngtute a chah a ni.

ṭanpuina dawngtute hi WRC 1&2 leh Sugarcane 3rd & 4th phase hnuaiah khaw 11 leh Thingsulthliah tlangdung khua atangin chhungkaw 82 an ni a, ṭanpuina sem chhuah zawng zawng hi cheng nuai 27.26 a ni.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.